ନୂଆଦିଲ୍ଲୀ,୧୮।୭: ଆଜିକାଲି ଭାରତୀୟ ବ୍ୟାଟ୍ସମ୍ୟାନ୍ ବିରାଟ କୋହଲି ନିଜ ଫର୍ମକୁ ନେଇ ସଂଘର୍ଷ କରୁଛନ୍ତି। ସେ ପ୍ରାୟ ଅଢେଇ ବର୍ଷ ଧରି କୌଣସି ଫର୍ମାଟରେ ଶତକ ହାସଲ କରିବାରେ ସକ୍ଷମ ହୋଇ ନାହାଁନ୍ତି । ଏହି କାରଣରୁ ସେ ମଧ୍ୟ ଅନେକ ସମାଲୋଚନାର ଶିକାର ହେଉଛନ୍ତି। ବହୁ ପୂର୍ବତନ କ୍ରିକେଟର କୋହଲିଙ୍କ ଫର୍ମକୁ ଫେରିବା ପାଇଁ ବିଭିନ୍ନ ପ୍ରକାରର ପରାମର୍ଶ ଦେଉଛନ୍ତି। କିନ୍ତୁ ଭାରତର ଜଣେ ୧୧ ବର୍ଷୀୟା ଆଥଲେଟ୍ ଭିନ୍ନ ଦୃଷ୍ଟିକୋଣ ରହିଛି।
ଯୁବ ଭାରତୀୟ ପୂଜା ବିଷ୍ଣୋଇ କୋହଲି ଫର୍ମରେ ଫେରିବା ପାଇଁ ଏକ ଦିନିକିଆ ଉପବାସ କରିଛନ୍ତି। ପାଳନ କରିଥିଲେ। ସେ ଟୁଇଟ୍ କରି କହିଛନ୍ତି, ବିରାଟ କୋହଲି ସାର୍ ଫର୍ମରେ ଫେରିବା ପାଇଁ ମୁଁ ଆଜି(ରବିବାର)ଭଗବାନଙ୍କ ଉପବାସ ରଖିଛି। ତେବେ ଏହା ସତ୍ତ୍ୱେ କୋହଲି ଇଂଲଣ୍ଡ ବିପକ୍ଷ ଶେଷ ମ୍ୟାଚ୍ରେ ବିଫଳ ହୋଇଥିଲେ। ସେ ୨୨ଟି ବଲରେ ୧୭ ରନ କରି ଆଉଟ୍ ହୋଇଥିଲେ।
ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରୁ ଅନ୍ୟତମ କୋହଲି ଗତ କିଛି ଦିନ ହେବ ରନ କରିବାକୁ ସଂଘର୍ଷ କରୁଛନ୍ତି। ୩୩ ବର୍ଷୀୟ କୋହଲି ୨୦୧୯ ନଭେମ୍ବରରେ ଏକ ଶତକ ହାସଲ କରିଥିଲେ। ବିଗତ ୬ ବର୍ଷରେ ଦିନିକିଆରେ ବିରାଟଙ୍କ ପ୍ରଦର୍ଶନ ନିରାଶାଜନକ ରହିଛି। ସେ ୨୦୧୭ ରୁ ୨୦୧୯ ପର୍ଯ୍ୟନ୍ତ ୬୬ ଇନିଂସରେ ହାରାହାରି ୭୯.୧୯ରେ ୪୦୩୯ ରନ ସ୍କୋର କରିଥିଲେ। ଏଥିରେ ୧୭ଟି ଶତକ ସାମିଲ ଅଛି। ୨୦୨୦ରୁ ବର୍ତ୍ତମାନ ପର୍ଯ୍ୟନ୍ତ, ବିରାଟ ହାରାହାରି ୩୬.୭୫ରେ ୨୦ ଇନିଂସରେ ମାତ୍ର ୭୩୫ ରନ ସ୍କୋର କରିବାରେ ସକ୍ଷମ ହୋଇଛନ୍ତି।
ବିରାଟ କୋହଲି ଫାଉଣ୍ଡେସନ (ଭି.କେ.ଏଫ) ସହାୟତାରେ ଆଥଲେଟ ପୂଜା ପ୍ରତିଯୋଗିତା ପାଇଁ ପ୍ରସ୍ତୁତ ହେଉଛନ୍ତି। ତାଙ୍କ ନାମରେ ଅନେକ ରେକର୍ଡ ରହିଛି। ସେ ଜଣେ ଟ୍ରାକ ଆଥଲେଟ। ସେ ମାତ୍ର ୫ ବର୍ଷ ବୟସରେ ସିକ୍ସ ପ୍ୟାକ ଆବ୍ସ କରିବାରେ ଦୁନିଆର ସବୁଠାରୁ କନିଷ୍ଠ ବାଳିକା ହୋଇଥିଲେ। ପୂଜାଙ୍କ ସ୍ବପ୍ନ ହେଉଛି ଉସେନ ବୋଲ୍ଟଙ୍କ ପରି ଆଥଲେଟ ହେବା।