ଇଣ୍ଡିଆନ୍ ପ୍ରିମିୟର୍ ଲିଗ୍(ଆଇପିଏଲ୍)ର ୧୩ତମ ସଂସ୍କରଣ ସେପ୍ଟେମ୍ବର ୧୯ରୁ ଆରମ୍ଭ ହେଉଛି। ପ୍ରଥମ ମ୍ୟାଚ୍ ଚେନ୍ନାଇ ସୁପର୍ କିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯିବ। ପୂର୍ବ ୧୨ ସିଜିନ୍ରେ କୌଣସି ନା କୌଣସି ବିବାଦ ଦେଖାଦିଏ। ପ୍ରଥମ ସିଜିନ୍ରେ କ୍ରିକେଟର୍ ହରଭଜନ ସିଂ ସାଥୀ ଖେଳାଳି ଏସ୍ ଶ୍ରୀସନ୍ଥଙ୍କୁ ଚାପୁଡା ମାରି ଚର୍ଚ୍ଚାକୁ ଆସିଥିଲେ। ସେହିପରି ଆଉ ଏକ ସିଜିନ୍ରେ ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଟିମ୍କୁ ଅମ୍ପାୟାର ଏକ ଭୁଲ ନିଷ୍ପତ୍ତି ଦେବାରୁ ଦଳ ମାତ୍ର ୬ ରନ୍ରେ ମ୍ୟାଚ୍ ହାରିଯାଇଥିଲା। ଏହାପରେ ଅଧିନାୟକ କୋହଲି ଏତେ ମାତ୍ରାରେ ରାଗିଯାଇଥିଲେ ଯେ ସେ ମ୍ୟାଚ୍ ପରେ ଅମ୍ପାୟରଙ୍କ ରୁମ୍ ଭିତରକୁ ପଶିଯାଇଥିଲେ। ଏହାସହ ମ୍ୟାଚ୍ ପ୍ରେଜେଣ୍ଟସନ୍ ସେରିମନିରେ ମଧ୍ୟ ନିିଜ ରାଗ ଜାହିର୍ କରିଥିଲେ।