ନୂଆଦିଲ୍ଲୀ,୧୪।୯: ନିକଟରେ ଶେଷ ହୋଇଥିବା ଏସିଆ କପ୍ରେ ଭାରତୀୟ ଦଳର ପୂର୍ବତନ ଅଧିନାୟକ ତଥା ଭେଟେରାନ ବ୍ୟାଟ୍ସମ୍ୟାନ ବିରାଟ କୋହଲି ଚମତ୍କାର ବ୍ୟାଟିଂ ପ୍ରଦର୍ଶନ କରିଥିଲେ। ଏସିଆ କପରେ ତାଙ୍କର ଚମତ୍କାର ପ୍ରଦର୍ଶନ ଯୋଗୁ ଟି-୨୦ ର଼୍ୟାଙ୍କିଙ୍ଗରେ ତାଙ୍କୁ ଲାଭ ମିଳିଛି। ବିରାଟ ଆଇସିସି ଟି-୨୦ ବ୍ୟାଟିଂ ର଼୍ୟାଙ୍କିଙ୍ଗରେ ୧୪ଟି ସ୍ଥାନକୁ ଡେଇଁ ୧୫ତମ ସ୍ଥାନରେ ପହଞ୍ଚିଛନ୍ତି।
ଏସିଆ କପ ପୂର୍ବରୁ ବିରାଟ ତାଙ୍କ ଫର୍ମ ସହ ସଂଘର୍ଷ କରୁଥିଲେ। କିନ୍ତୁ ସେ ଏସିଆ କପରେ ଫର୍ମକୁ ଫେରିଥିଲେ। ସେ ଏସିଆ କପରେ ମୋଟ ୨୭୬ ରନ ସ୍କୋର କରିଥିଲେ। ଏସିଆ କପରେ ବିରାଟ ଦ୍ୱିତୀୟ ସର୍ବାଧିକ ରନ ସ୍କୋରର୍ ହୋଇଥିଲେ। ଆଫଗାନିସ୍ତାନ ବିପକ୍ଷରେ ସେ ୧୨୨ ରନ ସଂଗ୍ରହ କରିଥିଲେ।
ରୋହିତ ଏବଂ ବିରାଟ କ୍ରିକେଟର ତିନୋଟି ଫର୍ମାଟରେ ଟପ-୧୫ ର଼୍ୟାଙ୍କିଙ୍ଗରେ ଅଛନ୍ତି। ଟେଷ୍ଟରେ ବିରାଟ କୋହଲି ଦ୍ୱାଦଶ ସ୍ଥାନରେ, ରୋହିତ ଶର୍ମା ନବମ ସ୍ଥାନରେ, ଦିନିକିଆରେ ବିରାଟ କୋହଲି ଏବଂ ରୋହିତ ଶର୍ମା ଯଥାକ୍ରମେ ପଞ୍ଚମ ଏବଂ ଷଷ୍ଠ ସ୍ଥାନରେ ଏବଂ ଟି-୨୦ରୋହିତ ଶର୍ମା ଏବଂ ବିରାଟ କୋହଲି ଯଥାକ୍ରମେ ୧୪ ଓ ୧୫ ତମ ସ୍ଥାନରେ ଅଛନ୍ତି।
