ମୁମ୍ବାଇ,୨।୬ : ଆସନ୍ତା ୧୮ ତାରିଖରେ ସାଉଥାମ୍ପଟନଠାରେ ନ୍ୟୁଜିଲାଣ୍ଡ ଓ ଭାରତ ମଧ୍ୟରେ ଖେଳାଯିବ ବିଶ୍ୱ ଟେଷ୍ଟ ଚାମ୍ପିୟନଶିପ୍ (ଡବ୍ଲ୍ୟୁଟିସି) ଫାଇନାଲ। ଏଥି ପୂର୍ବରୁ ଅଭ୍ୟାସ ପାଇଁ ଭାରତୀୟ ଖେଳାଳିଙ୍କ ହାତରେ ଯଥେଷ୍ଟ ସମୟ ନାହିଁ। ହେଲେ ଏଥି ନେଇ ଆମେ ଚିନ୍ତିତ ନୁହେଁ। ଇଂଲଣ୍ଡରେ ଖେଳିବାର ଅଭିଜ୍ଞତା ଆମ ପଖରେ ଅଛି। ଏଣୁ ସେତେଟା ବ୍ୟସ୍ତ ହେବାର ଆବଶ୍ୟକତା ନାହିଁ ବୋଲି ଇଂଲଣ୍ଡ ଗସ୍ତ ପୂର୍ବରୁ ବୁଧବାର ଆୟୋଜିତ ଖବରଦାତା ସମ୍ମିନଳନୀରେ ଅଧିନାୟକ ବିରାଟ କୋହଲି କହିଛନ୍ତି।
ଆମେ ପ୍ରଥମଥର ପାଇଁ ଇଂଲଣ୍ଡରେ ଖେଳିବାକୁ ଯାଉନୁ। ସେଠାକାର ସ୍ଥିତି ସମ୍ପର୍କରେ ଆମକୁ ଜଣାଅଛି। ମ୍ୟାଚ୍ ପୂର୍ବରୁ ମାତ୍ର ୪ଟି ପ୍ରାକ୍ଟିସ ସେସନର ସୁବିଧା ମିଳିବ। ମୋ ମତରେ ତାହା ଯଥେଷ୍ଟ। ଇଂଲଣ୍ଡରେ ଆମେ ସମସ୍ତେ ପୂର୍ବରୁ ଖେଳିଛୁ। ଦୀର୍ଘଦିନ ଧରି ଆମେ ଭଲ ପ୍ରଦର୍ଶନ କରି ଫାଇନାଲରେ ସ୍ଥାନ ପାଇଛୁ। ଭଲ ଖେଳିବା ଉପରେ ଆମେ ଧ୍ୟାନ ଦେବୁ। ଅଷ୍ଟ୍ରେଲିଆ ଆମେ ସିରିଜ ଜିତିଛୁ। ତେଣୁ ଯେକୌଣସି ଭେନ୍ୟୁରେ ବିଜୟୀ ହୋଇପାରିବୁ ବୋଲି କୋହଲି କହିଛନ୍ତି।