ନୂଆଦିଲ୍ଲୀ,୩୧।୧:ନିକଟରେ ବିରାଟ କୋହଲି ଭାରତର ଟେଷ୍ଟ ଦଳର ଅଧିନାୟକତ୍ୱ ଛାଡିଛନ୍ତି। ଏହା ସହିତ ସେ ସମସ୍ତ ତିନୋଟି ଫର୍ମାଟରୁ ଅଧିନାୟକ ପଦ ହରାଇଛନ୍ତି। ବିରାଟଙ୍କ ଏହି ନିଷ୍ପତ୍ତି ସମଗ୍ର ବିଶ୍ୱକୁ ଆଶ୍ଚର୍ଯ୍ୟ କରିଛି। ଏହା ପଛର କାରଣ ହେଉଛି ବିରାଟ ଭାରତର ସବୁଠାରୁ ସଫଳ ଟେଷ୍ଟ ଅଧିନାୟକ ଥିଲେ ଏବଂ ଅଧିନାୟକ ପଦ ଛାଡିବାକୁ ହଠାତ୍ ନିଷ୍ପତ୍ତି ନେବା ଅତ୍ୟନ୍ତ ଆଶ୍ଚର୍ଯ୍ୟଜନକ ଥିଲା। ସୋମବାର ବିରାଟ ନିଜେ ଏଭଳି ନିଷ୍ପତ୍ତି ପଛର କାରଣ ଖୁଲାସା କରିଛନ୍ତି।
ବିରାଟ କହିଛନ୍ତି, ମୁଁ ଜଣେ ଅଧିନାୟକ ଭାବରେ ଯାହା ଚାହୁଁଛି ତାହା ହାସଲ କରିଛି। ମୁଁ ବିଶ୍ୱାସ କରେ ଜଣେ ବ୍ୟାଟ୍ସମ୍ୟାନ ଭାବରେ ମୋର ଭୂମିକା ବର୍ତ୍ତମାନ ଅଧିକ ଗୁରୁତ୍ୱପୂର୍ଣ୍ଣ। ଜଟେ ଲିଡର୍ ହେବା ପାଇଁ ଅଧିନାୟକ ହେବା ଆବଶ୍ୟକ ନାହିଁ ବୋଲି ସେ କହିଛନ୍ତି। ଏହି ସମୟରେ ବିରାଟ କୋହଲି ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ବିଷୟରେ ମଧ୍ୟ ଏକ ବଡ଼ ବିବୃତ୍ତି ଦେଇଛନ୍ତି। ବିରାଟ କହିଛନ୍ତି, ଯେତେବେଳେ ଏମଏସ ଧୋନୀ ଅଧିନାୟକତ୍ୱ ଛାଡିଥିଲେ, ସେତେବେଳେ ସେ ଦଳର ଏକ ଅଂଶ ଥିଲେ। ଏହା ନୁହେଁ ଯେ ସେ ଜଣେ ଲିଡର୍ ନ ଥିଲେ। ସେ ସେହି ସମାନ ବ୍ୟକ୍ତି ଯାହାଙ୍କଠାରୁ ଆମେ ବହୁତ କିଛି ଶିଖିଲୁ। ଅଧିନାୟକ ହେବା ପରେ ମୁଁ ଦଳର ସଂସ୍କୃତି ବଦଳାଇବାକୁ ଚାହୁଁଥିଲି, କାରଣ ଭାରତରେ ପ୍ରତିଭାର ଅଭାବ ନାହିଁ ବୋଲି ସେ କହିଛନ୍ତି।
