କେପଟାଉନ,୧୦।୧: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଶେଷ ଟେଷ୍ଟ ମଙ୍ଗଳବାର ଠାରୁ କେପଟାଉନରେ ଖେଳାଯିବ। ଏହାପୂର୍ବରୁ ଭାରତୀୟ ଦଳକୁ ଏକ ଖୁସି ଖବର ମିଳିଛି। ତୃତୀୟ ଟେଷ୍ଟ ପାଇଁ ବିରାଟ କୋହଲି ଫିଟ୍ ହୋଇଛନ୍ତି। ସେ ସୋମବାର ଏକ ଖବରଦାତା ସମ୍ମିଳନୀ କରିଥିଲେ। ଏହି ସମୟରେ, ସେ ଫିଟନେସ, ଫର୍ମ ଭଳି ଗୁରୁତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଦେଇଥିଲେ। ତାଙ୍କର ଫର୍ମ ବିଷୟରେ ଏକ ପ୍ରଶ୍ନ ପଚରାଯାଇଥିଲା। ସେ କହିଥିଲେ, ମୁଁ ଏହା ବିଷୟରେ ଦୀର୍ଘ ଦିନରୁ ଶୁଣୁଛି। ଏହା ପ୍ରଥମ ଥର ନୁହେଁ । ମୁଁ ଦଳ ପାଇଁ ଭଲ ପ୍ରଦର୍ଶନ ଜାରି ରଖିବାକୁ ଚାହୁଁଛ। ବାହାରେ କଣ ଘଟୁଛି । ମୋ ବିଷୟରେ କ’ଣ କୁହାଯାଉଛି ସେ ବିଷୟରେ ମୁଁ ଅଧିକ ଚିନ୍ତା କରେ ନାହିଁ ଏବଂ ମୋର ପ୍ରମାଣ କରିବାର କିଛି ନାହିଁ । ମହମ୍ମଦ ସିରାଜଙ୍କ ଆଘାତକୁ ନେଇ କୋହଲି ଏକ ବଡ ଅପଡେଟ ମଧ୍ୟ ଦେଇଛନ୍ତି। ସେ କହିଛନ୍ତି ଯେ ସିରାଜ ଫିଟ ନାହାନ୍ତି। ଆମ ପାଖରେ ଅନେକ ବିକଳ୍ପ ଅଛି। ଏଥିସହିତ ତାଙ୍କ ଫିଟନେସ ବିଷୟରେ ବିରାଟ କହିଛନ୍ତି ଯେ ସେ ଖେଳିବାକୁ ସମ୍ପୂର୍ଣ୍ଣ ପ୍ରସ୍ତୁତ ବୋଲି କୋହଲି କହିଛନ୍ତି।
ସୂଚନାଯୋଗ୍ୟ, ପିଠି ଯନ୍ତ୍ରଣା ଯୋଗୁ ବିରାଟ ଜୋହାନ୍ସବର୍ଗ ଟେଷ୍ଟରେ ଖେଳି ନ ଥିଲେ। ତାଙ୍କ ଅନୁପସ୍ଥିତିରେ କେ.ଏଲ ରାହୁଲ ଜୋହାନ୍ସବର୍ଗ ଟେଷ୍ଟର ଅଧିନାୟକ ହୋଇଥିଲେ। ଏହି ଟେଷ୍ଟରେ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା।