ମୁମ୍ବାଇ,୧୪।୫: ଏକଦା ରନ୍ ମେଶିନ ଭାବେ ପରିଚିତ ଥିବା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି)ର ପୂର୍ବତନ ଅଧିନାୟକ ବିରାଟ କୋହଲିଙ୍କ ଖରାପ ଫର୍ମ ଜାରି ରହିଛି। ପଞ୍ଜାବ କିଙ୍ଗ୍ସ ବିପକ୍ଷରେ ଶୁକ୍ରବାର ଖେଳାଯାଇଥିବା ମୁକାବିଲାରେ ବିରାଟ ଭଲ ସ୍କୋର କରିବେ ବୋଲି ଆଶା କରାଯାଉଥିଲା। ହେଲେ ଦୁର୍ଭାଗ୍ୟବଶତଃ ସେ ନିଜର ଉଇକେଟ ହରାଇଥିଲେ। ଏହାପରେ ସେ ବେଶ ହତାଶ ନଜର ଆସିବା ସହ ରାଗରେ ଉପରକୁ ଚାହିଁ କିଛି କହୁଥିବା ନଜର ଆସିଥିଲା। ଉକ୍ତ ଦୃଶ୍ୟ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଥିବା ବେଳେ ପ୍ରଶଂସକଙ୍କୁ ଭାବବିହ୍ବଳ କରୁଛି।
ନିଜର ପ୍ରିୟ କ୍ରିକେଟରଙ୍କ ଏଭଳି ନିରାଶ ଭାବ ପ୍ରଶଂସକ ସହଜରେ ଗ୍ରହଣ କରିପାରୁନାହାନ୍ତି। ଗୋଟିଏ କିମ୍ବା ଦୁଇଟି ନୁହେଁ ବରଂ ଲଗାତାର ଭାବେ ସେ ବିଫଳ ହେଉଥିବାରୁ ଦିନକୁ ଦିନ ତାଙ୍କ ଉପରେ ଚାପ ମଧ୍ୟ ବଢ଼ୁଛି। ଏଭଳି ସ୍ଥିତିରେ ପ୍ରଶଂସକମାନେ ବିରାଟଙ୍କ ଫଟୋ ସହ ଭିନ୍ନ କଥା ଲେଖୁଛନ୍ତି।
କାହିଁକି ଭଗବାନ ବିରାଟଙ୍କ ଉପରେ ଏତେ ରାଗିଛନ୍ତି ବୋଲି ଜଣେ ବ୍ୟବହାରକାରୀ ପଚାରିଥିବା ବେଳେ ଅନ୍ୟଜଣେ ଏବେ ସେ ଦୁନିଆର ସବୁଠାରୁ ଦୁର୍ଭାଗ୍ୟ ଥିବା ଖେଳାଳି ଏବଂ କାହିଁକି ଏପରି ଭଗବାନ ତାଙ୍କ ସହ କରୁଛନ୍ତି ବୋଲି କହିଛନ୍ତି।
ଦେଖନ୍ତୁ କିଛି ପ୍ରତିକ୍ରିୟା: