ସିଡନୀ,୮।୧୨:ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ତିନି ମ୍ୟାଚ ବିଶିଷ୍ଟ ସିରିଜର ଦ୍ୱିତୀୟ ଟି -୨୦ ସିଡନୀ କ୍ରିକେଟ ଗ୍ରାଉଣ୍ଡରେ (ଏସସିଜି) ଖେଳାଯାଇଥିଲା। ଏହି ମ୍ୟାଚ୍ରେ ଭାରତ ୬ ଉଇକେଟରେ ଜିତିଥିଲା। ଦ୍ୱିତୀୟ ଟି-୨୦ ମ୍ୟାଚ ବହୁତ ରୋମାଞ୍ଚକର ଥିଲା। ଏହି ମ୍ୟାଚ ସମୟରେ କିଛି ପ୍ରଶଂସକ ମହେନ୍ଦ୍ର ସିଂ ଧୋନୀଙ୍କ ନାଁ ଥିବା ଏକ ବ୍ୟାନର ଦେଖାଇଥିଲେ। ଏହି ବ୍ୟାନରରେ ଉଇ ମିସ୍ ୟୁ ଧୋନୀ ଲେଖାଥିଲା। ଏହି ବ୍ୟାନରକୁ ଦେଖି ବିରାଟ କୋହଲି ପ୍ରତିକ୍ରିୟା ପ୍ରକାଶ କରିଥିଲେ, ସୋସିଆଲ ମିଡିଆରେ ତାଙ୍କ ପ୍ରତିକ୍ରିୟା ଭାଇରାଲ ହୋଇଛି।ଏହି ବ୍ୟାନର ଦେଖି ବିରାଟ କୋହଲି ଏକ ଅଙ୍ଗଭଙ୍ଗୀରେ ଉତ୍ତର ଦେଇଥିଲେ- ସେ ଠାରରେ ମୁଁ ବି ମିସ୍ କରୁଥିବା କହିଥିଲେ। ବିରାଟ କୋହଲିଙ୍କ ଏହି ପ୍ରତିକ୍ରିୟା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ପ୍ରଶଂସକମାନେ ଏହାକୁ ବହୁତ ପସନ୍ଦ କରୁଛନ୍ତି। ପ୍ରାୟ ପ୍ରତ୍ୟେକ ଖେଳାଳିଙ୍କ ସହ ମହେନ୍ଦ୍ର ସିଂ ଧୋନୀଙ୍କର ବହୁତ ଭଲ ସମ୍ପର୍କ ଅଛି। ବିରାଟ କୋହଲିଙ୍କ ସହ ଧୋନୀଙ୍କ ବନ୍ଧନ ଅଧିକ ସ୍ବତନ୍ତ୍ର। ଅଧିନାୟକ ହେବା ପରେ ବିରାଟ କୋହଲି ପଡ଼ିଆରେ ଧୋନୀଙ୍କ ପରାମର୍ଶ ନେଉଥିବାର ଦେଖିବାକୁ ମିଳିଥାଏ। ଏଭଳି ପରିସ୍ଥିତିରେ ଅବସର ଗ୍ରହଣ କରିବା ପରେ ବିରାଟ ମଧ୍ୟ ତାଙ୍କୁ ମିସ୍ କରୁଛନ୍ତି। ସୂଚନାଯୋଗ୍ୟ, ମହେନ୍ଦ୍ର ସିଂ ଧୋନୀ ଚଳିତ ବର୍ଷ ଅଗଷ୍ଟ୧୫ରେ ଅନ୍ତର୍ଜାତୀୟ କ୍ରିକେଟକୁ ବିଦାୟ ଦେଇଛନ୍ତି। ତେବେ ଏହା ପରେ ତାଙ୍କୁ ଇଣ୍ଡିଆନ ପ୍ରିମିୟର ଲିଗର ୧୩ତମ ସିଜିନରେ ଖେଳୁଥିବା ଦେଖିବାକୁ ମିଳିଥିଲା।
Fans showed "We Miss You Dhoni" poster to Virat Kohli in yesterday's match.
He Replied – "Me Too" 😍❤️#MSDhoni • @MSDhoni • #Dhoni pic.twitter.com/vxn87tKo9y
— DHONIsm™ ❤️ (@DHONIism) December 7, 2020
