ନୂଆଦିଲ୍ଲୀ,୧୯।୨: ଓ୍ବେଷ୍ଟଇଣ୍ଡିଜ ବିପକ୍ଷ ଦିନିକିଆ ପରେ ଟି-୨୦ ସିରିଜ ଉପରେ କବ୍ଜା କରିନେଇଛି ଭାରତ। ଏବେ ଦଳ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ୨-୦ରେ ଆଗୁଆ ରହିଛି। କୋଲକାତାରେ ଏହାର ତୃତୀୟ ମୁକାବିଲା ଖେଳାଯିବ। ହେଲେ ଏହି ମ୍ୟାଚ୍ ପୂର୍ବରୁ ଭାରତୀୟ ଦଳକୁ ବଡ ଝଟ୍କା ଲାଗିଛି। କାରଣ ଭାରତର ଜଣେ ବିସ୍ଫୋରକ ବ୍ୟାଟ୍ସମ୍ୟାନ ତୃତୀୟ ମ୍ୟାଚ୍ରୁ ବାହାର ହୋଇଛନ୍ତି। ସେ ହେଲେ ବିରାଟ କୋହଲି। ଶ୍ରୀଲଙ୍କା ବିପକ୍ଷ ସିରିଜ ପୂର୍ବରୁ କୋହଲିଙ୍କୁ ବାୟୋ ବବଲ୍ ବ୍ରେକ୍ ଦିଆଯାଇଛି। ଏଣୁ ସେ ଘରକୁ ଯାଇଛନ୍ତି।
କହିରଖୁଛୁ, ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟି-୨୦ ମ୍ୟାଚ୍ରେ କୋହଲି ବେଶ ଭଲ ପ୍ରଦର୍ଶନ କରିଥିଲେ। ସେ ୪୧ ବଲ୍ରେ ବିସ୍ଫୋରକ ୫୨ରନ୍ର ଇନିଂସ ଖେଳିଥିଲେ। ଏହାଛଡ଼ା ଅଧିନାୟକ ପଦ ଛାଡ଼ିବା ସତ୍ତ୍ୱେ ପଡ଼ିଆରେ ଥିବା ସମୟରେ ସେ ରୋହିତ ଶର୍ମାଙ୍କୁ ପରାମର୍ଶ ଦେଇ ଆସୁଥିଲେ। ହେଲେ ଆଗାମୀ ମ୍ୟାଚ୍ରେ ତାହା ଦେଖିବାକୁ ମିଳିବ ନାହିଁ।
