ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ସିରିଜ୍ ପୂର୍ବରୁ ଭାରତୀୟ ଦଳର ଅଧିନାୟକ ବିରାଟ କୋହଲି ରୋହିତ ଶର୍ମା ପ୍ରସଙ୍ଗରେ ନିଜ ମତ ରଖିଛନ୍ତି। ୟକୋହଲି କହିଛନ୍ତି ଯେ ରୋହିତ ଶର୍ମା କାହିଁକି ଅଷ୍ଟ୍ରେଲିଆ ଗସ୍ତ କରିନାହାଁନ୍ତି ସେ ଜାଣି ନାହାଁନ୍ତି। ବିରାଟ କୋହଲି କହିଛନ୍ତି ଯେ ସେ ଭାବିଥିଲେ ରୋହିତ ଶର୍ମା ମଧ୍ୟ ତାଙ୍କ ସହ ଅଷ୍ଟ୍ରେଲିଆ ଆସିବେ। କିନ୍ତୁ ସେ ଆସି ନାହାନ୍ତି। ସେ କାହିଁକି ଆସି ନାହାନ୍ତି ମୁଁ ଜାଣି ନାହିଁ ବୋଲି ସେ କହିଛନ୍ତି। ସିଡନୀ ଏକଦିବସୀୟ ମ୍ୟାଚ୍ ପୂର୍ବରୁ ଭର୍ଚୁଆଲ ସାମ୍ବାଦିକ ସମ୍ମିଳନୀରେ ରୋହିତ ଶର୍ମାଙ୍କ ସହ ଜଡିତ ପ୍ରଶ୍ନ ଉପରେ ବିରାଟ କୋହଲି ଏପରି କହିଛନ୍ତି। ସୂଚନାଯୋଗ୍ୟ,ଯେ ଆଇପିଏଲ ୨୦୨୦ ଶେଷ ହେବା ପରେ ରୋହିତ ଶର୍ମା ମୁମ୍ବାଇ ଫେରିଥିଲେ ଏବଂ ଟିମ ଇଣ୍ଡିଆ ସେଠାରୁ ଅଷ୍ଟ୍ରେଲିଆ ଗସ୍ତରେ ଯାଇଲା। ବିସିସିଆଇ କହିଛି ଯେ, ରୋହିତ ଶର୍ମା ଫିଟ ନାହାନ୍ତି ଏବଂ ସେଥିପାଇଁ ତାଙ୍କୁ ଏକଦିବସୀୟ ଏବଂ ଟି -୨୦ ସିରିଜ ପାଇଁ ଟିମ ଇଣ୍ଡିଆରେ ସ୍ଥାନ ଦିଆଯାଇ ନାହିଁ। ତେବେ ଏବେ ବିରାଟ କୋହଲି ଏଭଳି ମନ୍ତବ୍ୟ ସମସ୍ତଙ୍କୁ ଚକିତ କରିଛି।