ନୂଆଦିଲ୍ଲୀ,୧୫।୧୦: ଭାରତୀୟ କ୍ରିକେଟ ଟିମ୍ ଅଧିନାୟକ ବିରାଟ କୋହଲି ବାୟୋ ବବଲ୍ର ବାସ୍ତବତା ବିଷୟରେ କହିଛନ୍ତି। ସୋସିଆଲ ମିଡିଆରେ ଏକ ଫଟୋ ଶେୟାର କରିଛନ୍ତି ସେ। ଏଥିରେ ସେ ଏକ ମୁଭିଂ ଚେୟାରରେ ବସିଥିବା ଦେଖାଯାଇଛି। ତାଙ୍କର ହାତ ଦୁଇଟି ପଛକୁ କରାଯାଇ ରଶିରେ ବନ୍ଧାଯାଇଛି। ଫଟୋକୁ ଶେୟାର କରି ବିରାଟ କହିଛନ୍ତି, ବାୟୋ ବବଲ୍ରେ ଖେଳିଲେ ଏଭଳି ଲାଗିଥାଏ।
ଫଟୋକୁ ବେଶ୍ ପସନ୍ଦ କରାଯାଉଥିବା ବେଳେ ଇଂଲଣ୍ଡର ପୂର୍ବ ଅଧିନାୟକ କେଭିନ ପିଟରସନ ସହମତି ପ୍ରକାଶ କରିଛନ୍ତି। ସେ ପ୍ରତିକ୍ରିୟା ଦେଇ କହିଛନ୍ତି, ଖେଳାଳିଙ୍କ କାମ ଶେଷ ହୋଇଯାଇଛି। ବଢ଼ିଆ ଫଟୋ ସାଙ୍ଗ।
କିଛି ଲୋକ ଏହି ପୋଷ୍ଟରେ ମଜାଦାର କମେଣ୍ଟ ଦେଉଛନ୍ତି। ଜଣେ ବ୍ୟବହାରକାରୀ ପଚାରିଛନ୍ତି, ଅନୁଷ୍କା ଭାଉଜ କ’ଣ ଆପଣଙ୍କୁ ଏଭଳି ବାନ୍ଧି ଦେଇଛନ୍ତି। ସେହିଭଳି ଅନ୍ୟଜଣେ ତାଙ୍କ ଅଭିନୟ ଶୈଳୀର ପ୍ରଶଂସା କରିଛନ୍ତି।
This is what playing in bubbles feels like. pic.twitter.com/e1rEf0pCEh
— Virat Kohli (@imVkohli) October 15, 2021
