ନୂଆଦିଲ୍ଲୀ,୧୬।୧୧:ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ରେଷ୍ଟୁରାଣ୍ଟ ଓ୍ବାନ୍ ୮ କମ୍ୟୁନି (One8 commune) ବିବାଦରେ ଛନ୍ଦି ହୋଇପଡିଛି। କୋହଲିଙ୍କ ରେଷ୍ଟୁରାଣ୍ଟ ବିରୋଧରେ ଅଭିଯୋଗ ଆସିଛି ଯେ ଟାନ୍ସଜେଣ୍ଡର(LGBTQ +) ସମ୍ପ୍ରଦାୟର ଲୋକଙ୍କ ସହ ଏଠାରେ ଭେଦଭାବ କରାଯାଉଛି। ସେମାନଙ୍କୁ ଏହି ରେଷ୍ଟୁରାଣ୍ଟରେ ପ୍ରବେଶ କରିବାକୁ ଅନୁମତି ନାହିଁ । ବିରାଟଙ୍କ ଏହି ରେଷ୍ଟୁରାଣ୍ଟରେ ପୁଣେ, ଦିଲ୍ଲୀ ଏବଂ କୋଲକାତାରେ ଶାଖା ଅଛି। LGBTQIA+ ସମ୍ପ୍ରଦାୟର ଅଧିକାରକୁ ରକ୍ଷା କରୁଥିବା ଏକ ଗୋଷ୍ଠୀ ଇନଷ୍ଟାଗ୍ରାମରେ ଭେଦଭାବ ଅଭିଯୋଗକୁ ନେଇ ଏକ ପୋଷ୍ଟ କରିଛନ୍ତି। ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେଉଛି।
ଗ୍ରୁପ ‘ୟସ୍, ଉଇ ଏକ୍ସଜିଷ୍ଟ୍’(‘Yes, We Exist’) ପକ୍ଷରୁ ଏଭଳି ପୋଷ୍ଟ କରାଯାଇଛି। ପୋଷ୍ଟଟି ଏବେ ଭାଇରାଲ ହେଉଛି। ଏଥିରେ ଲେଖାଅଛି, ବିରାଟ କୋହଲିଙ୍କ ରେଷ୍ଟୁରାଣ୍ଟରେ LGBTQ+ ଅତିଥିମାନଙ୍କ ପାଇଁ କୌଣସି ପ୍ରବେଶ ନାହିଁ। ବିରାଟ ପୁଣେ, ଦିଲ୍ଲୀ ଏବଂ କୋଲକତାରେ ଓ୍ବାନ୍ ୮ କମ୍ୟୁନି ନାମକ ଏକ ରେଷ୍ଟୁରାଣ୍ଟ ଚଳାନ୍ତି। ଏଠାରେ ଟାନ୍ସଜେଣ୍ଡର ଦମ୍ପତି କିମ୍ବା ଟାନ୍ସଜେଣ୍ଡରଙ୍କ ଏହି ରେଷ୍ଟୁରାଣ୍ଟ ପ୍ରବେଶକୁ ଅନୁମତି ନାହିଁ। ରେଷ୍ଟୁରାଣ୍ଟରେ ଜୋମାଟୋ ଲିଷ୍ଟିରେ ଷ୍ଟାଗ୍ ପାଇଁ ଏଣ୍ଟ୍ରି ନାହିଁ। ଆମେ ୨ ସପ୍ତାହ ପୂର୍ବରୁ ସେମାନଙ୍କୁ ମେସେଜ କରିଥିଲୁ। ତାଙ୍କର କୌଣସି ଉତ୍ତର ଆସି ନ ଥିଲା। ଆମେ ପୁଣେ ବ୍ରାଞ୍ଚ୍ ସହ ଯୋଗାଯୋଗ କରିଥିଲୁ ବୋଲି ପୋଷ୍ଟରେ କୁହାଯାଇଛି। ଟ୍ରାନ୍ସଜେଣ୍ଡର ମହିଳାମାନଙ୍କୁ ସେମାନଙ୍କ ପୋଷାକ ଅନୁଯାୟୀ ଏଣ୍ଟ୍ରି ଦିଆଯାଏ। ପ୍ରକାଶ ଥାଉକି, ‘ୟସ୍, ଉଇ ଏକ୍ସଜିଷ୍ଟ୍’ ଦ୍ୱାରା କରାଯାଇଥିବା ଅଭିଯୋଗର ଜବାବରେ, ଓ୍ବାନ୍ ୮ କମ୍ୟୁନି ଏକ ବିବୃତ୍ତି ଜାରି କରି କରିଛି। ରେଷ୍ଟୁରାଣ୍ଟ ପକ୍ଷରୁ କୁହାଯାଇଛି ଯେ, ସେଠାରେ କୌଣସି ଲିଙ୍ଗଗତ ପାର୍ଥକ୍ୟ ନାହିଁ। ସମସ୍ତ ଲୋକଙ୍କୁ ସ୍ବାଗତ କରିବା ଉପରେ ଏହି ରେଷ୍ଟୁରାଣ୍ଟ ବିଶ୍ୱାସ କରେ। ଆରମ୍ଭରୁ ଆମେ ସମସ୍ତ ସମ୍ପ୍ରଦାୟର ସେବା କରିବାରେ ସର୍ବଦା ଚେଷ୍ଟା କରି ଆସିଛି।
