ଆଡିଲେଡ୍,୧୯।୧୨: ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ପ୍ରଥମ ଦିବାରାତ୍ର ଟେଷ୍ଟରେ ଭାରତ ୮ ଉଇକେଟରେ ପରାଜିତ ହୋଇଛି। ବିରାଟ କୋହଲୀଙ୍କ ନେତୃତ୍ୱାଧୀନ ଭାରତୀୟ ଟିମ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମ ଇନିଂସରେ ଦଳ ୨୪୪ ରନ୍ କରିଥିବା ବେଳେ ଜବାବରେ ଅଷ୍ଟ୍ରେଲିଆ ଦଳ ୧୯୧ ରନ୍ କରି ଅଲ୍ଆଉଟ୍ ହୋଇଥିଲା। ପରେ ଦ୍ୱିତୀୟ ଇନିଂସରେ ଖେଳି ଭାରତୀୟ ଦଳ ମାତ୍ର ୩୬ ରନ୍ କରିଥିଲା। ମୋଟ ୯୦ ରନ୍ର ବିଜୟଲକ୍ଷ୍ୟକୁ ସାମ୍ନା କରୁଥିବା ଘରୋଇ ଦଳ ୨ ଉଇକେଟ ହରାଇ ସହଜ ବିଜୟ ହାସଲ କରିଛି।
ଭାରତୀୟ ଦଳର ଏଭଳି ଶୋଚନୀୟ ପରାଜୟକୁ ନେଇ କୋହଲି କହିଛନ୍ତି, ଏଭଳି ଭାବନାକୁ ଶବ୍ଦରେ କହିବା ବହୁତ କଷ୍ଟକର। ଆମ ୬୦ ରନ୍ରେ ଆଗୁଆ ଥିଲୁ। ହେଲେ ବ୍ୟାଟିଂ ବିପର୍ଯ୍ୟସ୍ତ ଘଟିଥିଲା। ଯେତେବେଳେ ଦୁଇଦିନ ପର୍ଯ୍ୟନ୍ତ କଠିନ ପରିଶ୍ରମ କରି ନିଜକୁ ମଜଭୂତ ସ୍ଥିତିରେ ପହଞ୍ଚାଇବା ପରେ ଏକ ଘଣ୍ଟା ମଧ୍ୟରେ ଏଭଳି ସ୍ଥିତିରେ ଦେଖିବା କଷ୍ଟଦାୟକ। ଏହି ସମୟରେ ଅଧିକ ବିଶ୍ୱାସ ଦେଖାଇବାର ଆବଶ୍ୟକତା ଥିଲା। ତେବେ ଦଳ ଆଗାମୀ ମ୍ୟାଚ୍ରେ ଭଲ ପ୍ରଦର୍ଶନ କରିବ ବୋଲି ସେ କହିଛନ୍ତି।
