ଚେନ୍ନାଇ,୨୯ା୧- ଆସନ୍ତା ୫ ତାରିଖରୁ ସ୍ଥାନୀୟ ଚେପକ ଗ୍ରାଉଣ୍ଡରେ ଇଂଲଣ୍ଡ ଓ ଭାରତ ମଧ୍ୟରେ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆରମ୍ଭ ହେବାକୁ ଯାଉଛି। କୋଭିଡ୍-୧୯ ପାଣ୍ଡେମିକ୍ ପରିସ୍ଥିତି ଯୋଗୁ ଉଭୟ ଦଳର ଖେଳାଳିମାନେ ଚେନ୍ନାଇରେ ପହଞ୍ଚି ସାରିଥିଲେ ମଧ୍ୟ ନା ପଡ଼ିଆରେ ଅଭ୍ୟାସ କରିପାରୁଛନ୍ତି, ନା ଯାଇପାରୁଛନ୍ତି ଜିମ୍। ଦୁଇ ଦଳର ଖେଳାଳିଙ୍କୁ ଏବେ କ୍ୱାରେଣ୍ଟାଇନରେ ରଖାଯାଇଛି। ଏଭଳି ପରସ୍ଥିତି ରୋକିପାରି ନାହିଁ ଫିଟ୍ନେସକୁ ଗୁରୁତ୍ୱ ଦେଉଥିବା ବିରାଟ କୋହଲିଙ୍କୁ। ଭାରତୀୟ ଅଧିନାୟକ ବିଜ ରୁମ୍ରେ ଓ୍ବାର୍କ ଆଉଟ୍ କରୁଥିବାବେଳର ଏକ ଭିଡିଓ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି।
ଏହାର କ୍ୟାପଶନରେ ଲେଖିଛନ୍ତି, କ୍ୱାରେଣ୍ଟାଇନରେ ମ୍ୟୁଜିକ ଓ ଜିମ୍ ଉପକରଣ ଦରକାର। ଇଚ୍ଛା ଥିଲେ, କେଉଁଠାରେ ବି ଓ୍ବାର୍କ ଆଉଟ୍ କରିହେବ। ସଭିଙ୍କ ପାଇଁ ଦିନଟି ମଙ୍ଗଳକର ହେଉ।
