ନୂଆଦିଲ୍ଲୀ,୧୮।୭: ବିରାଟ କୋହଲି ଏବଂ ଅନୁଷ୍କା ଶର୍ମା ନିଜ ବ୍ୟକ୍ତିଗତ ଜୀବନକୁ ନେଇ ଅନେକ ସମୟରେ ଚର୍ଚ୍ଚାରେ ରହିଥା’ନ୍ତି। ଦୀର୍ଘ ଦିନ ଧରି କଳ୍ପନା ଜଳ୍ପନା ଚାଲିଛି ଯେ ଏହି ଦମ୍ପତି ନିଜ ପରିବାର ସହ ସମୟ କାଟିବାକୁ ଲଣ୍ଡନ ଯିବାକୁ ଯୋଜନା କରୁଛନ୍ତି। ବର୍ତ୍ତମାନ ଲାଗୁଛି ଯେ ଏହି କଳ୍ପନାଗୁଡ଼ିକ ସତ ବୋଲି ପ୍ରମାଣିତ ହୋଇନପାରେ। ଆମେ ନୁହେଁ, ପ୍ରଶଂସକମାନେ ବିରାଟ-ଅନୁଷ୍କା ଏବଂ ଭାମିକା-ଆକାୟଙ୍କ ଭାଇରାଲ ଭିଡିଓରୁ ପୁଣି ଥରେ ଅନୁମାନ କରୁଛନ୍ତି। ଏହି ଭିଡିଓ ମାଧ୍ୟମରେ ବିରୁଷ୍କାଙ୍କ ପ୍ରଶଂସକମାନେ ତାଙ୍କ ପୁଅକୁ ପ୍ରଥମ ଥର ଦେଖିଛନ୍ତି। ଅକାୟ ପ୍ରଥମ ଥର ପାଇଁ ତାଙ୍କ ମା’ ଏବଂ ବାପାଙ୍କ ସହିତ ସପିଂ କରୁଥିବା ସମୟରେ ସର୍ବସାଧାରଣରେ ଦେଖିବାକୁ ମିଳିଥିଲା।
ସୂଚନାଯୋଗ୍ୟ, ଲଣ୍ଡନରୁ ଆସିଥିବା ସୋସିଆଲ ମିଡିଆ ପୋଷ୍ଟରେ ବିରାଟ କୋହଲିଙ୍କ ଏକ ନୂଆ ଭିଡିଓ ଭାଇରାଲ ହେଉଛି। ଏହି ଭିଡିଓରେ ବିରାଟ କୋହଲି ତାଙ୍କ ପତ୍ନୀ ଅଭିନେତ୍ରୀ ଅନୁଷ୍କା ଶର୍ମା ଏବଂ ପୁଅ ଅକାୟଙ୍କ ସହ ନଜର ଆସିଛନ୍ତି। ଭାଇରାଲ ହେଉଥିବା ଏହି ଭିଡିଓରେ, ଆପଣ ଦେଖିପାରିବେ ଯେ ବିରାଟ ଏବଂ ଅନୁଷ୍କା ଲଣ୍ଡନ ରାସ୍ତାରେ ସାଧାରଣ ଲୋକଙ୍କ ପରି ବୁଲୁଛନ୍ତି। ସେମାନେ ନିଜ ପିଲାମାନଙ୍କ ସହିତ ଏହି ମୁହୂର୍ତ୍ତକୁ ଉପଭୋଗ କରୁଛନ୍ତ।
ଭିଡିଓରେ ଏହି ଦମ୍ପତି ଫୁଲ ଦୋକାନରେ ଠିଆ ହୋଇଥିବା ଦେଖାଯାଇଛି। ବିରାଟ ତାଙ୍କ ପୁଅ ଅକାୟଙ୍କୁ କେଳରେ ଧରିଛନ୍ତି। ଅନୁଷ୍କା ଶର୍ମା ମଧ୍ୟ ଫୁଲ କିଣିବାରେ ବ୍ୟସ୍ତ ଅଛନ୍ତି।