ମୋହାଲି,୮।୩: ଆଧୁନିକ କ୍ରିକେଟର ଅନ୍ୟତମ ଶ୍ରେଷ୍ଠ ବ୍ୟାଟର ବିରାଟ କୋହଲି ନିକଟରେ କ୍ୟାରିୟରର ୧୦୦ତମ ଟେଷ୍ଟ ଖେଳିଥିଲେ। ଏହି ଅବସରରେ ତାଙ୍କୁ ଭାରତୀୟ ଦଳ ପକ୍ଷରୁ ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟର ଦ୍ୱିତୀୟ ଦିନରେ ଗାର୍ଡ ଅଫ୍ ଅନର ଦିଆଯାଇଥିଲା। ମ୍ୟାଚ୍ ପରେ ଏକ ଭିନ୍ନକ୍ଷମ ଫ୍ୟାନଙ୍କ ପ୍ରତି ୩୩ ବର୍ଷୀୟ ବ୍ୟାଟରଙ୍କ ବ୍ୟବହାର ସୋସିଆଲ ମିଡିଆରେ ୟୁଜର୍ସଙ୍କ ମନ ଜିତିଛି।
ପ୍ରଥମ ଟେଷ୍ଟ ଶେଷ ହେବା ପରେ ରବିବାର ଧରମବୀର ପାଲ ନାମକ ଜଣେ ପ୍ରଶଂସକଙ୍କୁ କୋହଲି ତାଙ୍କ ଜର୍ସି ଉପହାର ଦେଇଥିଲେ। ଏହି ଘଟଣାର ଭିଡିଓ ନିଜ ଟୁଇଟର ଆକାଉଣ୍ଟରେ ଶେୟାର କରିଛନ୍ତି ଧରମବୀର।
’ଏହା ମୋ ଜୀବନର ବଡ଼ ଦିନ। କୋହଲି ତାଙ୍କର ୧୦୦ତମ ଟେଷ୍ଟ ମ୍ୟାଚ୍ର ଟି ଶାର୍ଟ ମୋତେ ଉପହାର ଦେଇଛନ୍ତି‘ ବୋଲି କ୍ୟାପଶନରେ ଲେଖି ବିରାଟ କୋହଲିଙ୍କୁ ଟ୍ୟାଗ କରିଛନ୍ତି।
