ପାଲେକେଲ୍,୪।୯: ବର୍ଷା ଯୋଗୁ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ରଦ୍ଦ ହୋଇଯାଇଥିଲା। ଫଳରେ ଉଭୟ ଦଳ ୧-୧ ପଏଣ୍ଟ ପାଇଲେ। ଏଥି ସହିତ ଭାରତ-ପାକିସ୍ତାନ ମ୍ୟାଚରେ ପାକିସ୍ତାନୀ ଦ୍ରୁତ ବୋଲରଙ୍କ ଆଭିମୁଖ୍ୟ ଦେଖିବାକୁ ମିଳିଥିଲା। ପାକିସ୍ତାନର ଦ୍ରୁତ ବୋଲରମାନେ ସମସ୍ତ ୧୦ ଜଣ ଭାରତୀୟ ଖେଳାଳିଙ୍କୁ ଆଉଟ୍ କରିଥିଲେ। ବିଶେଷ କରି ଶାହିନ ଆଫ୍ରିଦି ଚମତ୍କାର ବୋଲିଂ ପ୍ରଦର୍ଶନ କରିଥିଲେ। ଶାହିନ ଆଫ୍ରିଦି ଭାରତୀୟ ଦଳର ୪ ଜଣ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ। ଭାରତୀୟ ଅଧିନାୟକ ରୋହିତ ଶର୍ମାଙ୍କ ବ୍ୟତୀତ ସେ ବିରାଟ କୋହଲି, ହାର୍ଦ୍ଦିକ ପାଣ୍ଡ୍ୟା ଏବଂ ରବିନ୍ଦ୍ର ଜାଡେଜାଙ୍କୁ ଆଉଟ୍ କରିଥିଲେ।
ତେବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି। ସୋସିଆଲ ମିଡିଆରେ ଭାଇରାଲ ଭିଡିଓରେ ବିରାଟ କୋହଲିଙ୍କୁ ଦେଖିବାକୁ ମିଳିଛି। ଶାହିନ ଆଫ୍ରିଦି ରୋହିତ ଶର୍ମାଙ୍କୁ ତାଙ୍କ ବଲରେ ବୋଲ୍ଡ କରିଥିଲେ, ସେତେବେଳେ ବିରାଟ କୋହଲିଙ୍କ ପ୍ରତିକ୍ରିୟା ଅଜବ ପ୍ରକାରର ଥିଲା। ସେ ଭିନ୍ନ ଚାହାଣିରେ ଚାହିଁଥିଲେ। ସେ ରୋହିତଙ୍କୁ ଶାହିନ ଆଫ୍ରିଦି ଆଉଟ୍ କରିବା ପରେ କୋହଲି ବ୍ୟାଟିଂ କରିବାକୁ ଆସିଥିଲେ, କିନ୍ତୁ ସେ ମଧ୍ୟ ଅଧିକ ସମୟ କ୍ରିଜରେ ରହିପାରି ନ ଥିଲେ। ଶାହିନ ଆଫ୍ରିଦି କ୍ଲିନ ବୋଲ୍ଡ କରିଥିଲେ ବିରାଟ କୋହଲି। ବିରାଟ କୋହଲି ୭ ବଲରେ ମାତ୍ର ୪ ରନ ସ୍କୋର କରିପାରନ୍ତି।