ଅହମ୍ମଦାବାଦ୍,୧୬।୩ : ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଚାଲିଥିବା ଇଂଲଣ୍ଡ ବିପକ୍ଷ ୩ୟ ଟି୨୦ ମ୍ୟାଚ୍ରେ ଦେଖିବାକୁ ମିଳିଛି ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲିଙ୍କ ଓ୍ବାନ ମ୍ୟାନ ଶୋ। ଦଳର ପ୍ରାୟ ସମସ୍ତ ବ୍ୟାଟ୍ସମ୍ୟାନ ଫେଲ୍ ମାରିଥିଲେ। କିନ୍ତୁ ଇଂଲଣ୍ଡ ପାଖରେ ନ ଥିଲା କୋହଲିଙ୍କୁ ରୋକିଲା ଭଳି ବୋଲର। କୋହଲିଙ୍କ ବିସ୍ଫୋରକ ୭୭ ରନ୍ର ଇନିଂସ ଯୋଗୁ ଭାରତ ପ୍ରତିପକ୍ଷ ଇଂଲଣ୍ଡ ଆଗରେ ଛିଡ଼ା କରିଛି ୧୫୭ ରନ୍ର ଚ୍ୟାଲେଞ୍ଜିଂ ସ୍କୋର।
ଭାରତୀୟ ଦଳର ଟପ୍ ଅର୍ଡର ପୂରା ଫେଲ ମାରିଥିଲା। ଏପରି କି ଟିମ୍ ଇଣ୍ଡିଆ ୧୪.୩ ଓଭରରେ ୫ ଉଇକେଟ ହରାଇ ୮୬ ରନ୍ କରିଥିଲା। ଲାଗୁଥିଲା ଭାରତ ଚ୍ୟାଲେଞ୍ଜିଂ ସ୍କୋର ଛିଡ଼ା କରିପାରିବ ନାହିଁ। ମାତ୍ର କିଛି ଅଲଗା ଚିନ୍ତା କରିଥିଲେ କୋହଲି। ମାତ୍ର ୪୬ ବଲରେ ୮ ଚୌକା ଓ ୪ ଛକା ସହାୟତାରେ ଖେଳିଥିଲେ ୭୭ ରନ୍ର ଅପରାଜିତ ପାଳି। ଇଂଲଣ୍ଡ ପକ୍ଷରୁ ମାର୍କ ଉଡ ୩ଟି ଓ କ୍ରିସ ଜୋର୍ଡାନ ୨ଟି ଉଇକେଟ ନେଇଥିଲେ।