ନୂଆଦିଲ୍ଲୀ,୭।୧୧: ଭାରତୀୟ କ୍ରିକେଟ ଦଳର ଭେଟେରାନ ଖେଳାଳି ବିରାଟ କୋହଲି ନିଜର ୪୯ ତମ ଶତକ ହାସଲ କରି ଇତିହାସ ସୃଷ୍ଟି କରିଛନ୍ତି। ଓ୍ବାନଡେ ଫର୍ମାଟରେ ସବୁଠାରୁ ଅଧିକ ଶତକ ସ୍କୋର କରିବାରେ କୋହଲି ସଚିନ ତେନ୍ଦୁଲକରଙ୍କ ସମକକ୍ଷ ହୋଇଛନ୍ତି। ଏବେ କୋହଲିଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ସେ ଏକ ଇକନମି କ୍ଲାସରେ ଯାତ୍ରା କରୁଥିବା ଦେଖିବାକୁ ମିଳିଛି। ପ୍ରଶଂସକମାନେ କୋହଲିଙ୍କ ଏହି ସରଳତାକୁ ବହୁତ ପସନ୍ଦ କରନ୍ତି। ତାଙ୍କର ଭିଡିଓ ଅନେକ ସୋସିଆଲ ମିଡିଆ ଆକାଉଣ୍ଟରେ ଶେୟାର କରାଯାଇଛି।
ସୂଚନାଯୋଗ୍ୟ, କୋହଲିଙ୍କ ଏକ ଭିଡିଓ ଏକ୍ସ(ଟୁଇଟର) ରେ ଶେୟାର କରାଯାଇଛି। ଏଥିରେ ସେ ଏକ ବିମାନରେ ବସିଥିବାର ନଜର ଆସିଛନ୍ତି। ସୋସିଆଲ ମିଡିଆରେ ଦାବି ହେଉଛି ଯେ ସେ ଇକନମି କ୍ଲାସରେ ଯାତ୍ରା କରିଥିଲେ। ୱାନ ଇଣ୍ଡିଆ ନ୍ୟୁଜ ୱେବସାଇଟରେ ପ୍ରକାଶିତ ଖବର ଅନୁଯାୟୀ କୋହଲି ଭାରତର ପରବର୍ତ୍ତୀ ମ୍ୟାଚ ପାଇଁ ବେଙ୍ଗାଲୁରୁରେ ପହଞ୍ଚିଛନ୍ତି। ସେ ବାଙ୍ଗାଲୋର ଯିବା ପାଇଁ ଏକ ଇକନମି କ୍ଲାସ ବ୍ୟବହାର କରିଥିଲେ। ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ମ୍ୟାଚ ୧୨ ନଭେମ୍ବରରେ ବାଙ୍ଗାଲୋରରେ ଖେଳାଯିବ।