ନୂଆଦିଲ୍ଲୀ,୧୬।୫: ମାରାତ୍ମକ କରୋନା ସମୟରେ ଲୋକଙ୍କୁ ସହାୟତା ପାଇଁ ଆଗେଇ ଆସିଛନ୍ତି ଅନେକ ସେଲିବ୍ରିଟି। ଏଥିରେ ପୂର୍ବତନ ଭାରତୀୟ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ମଧ୍ୟ ଅଛନ୍ତି। ତାଙ୍କ ସଂଗଠନ ଙ୍ଏହି କଷ୍ଟଦାୟକ ସମୟରେ ଲୋକଙ୍କୁ ସାହାଯ୍ୟ କରୁଛି। ସେହ୍ବାଗ ଫାଉଣ୍ଡେସନ ଗତ ମାସରେ ୫୧ ହଜାରରୁ ଅଧିକ ଲୋକଙ୍କୁ ମାଗଣାରେ ଖାଦ୍ୟ ଯୋଗାଇ ଦେଇଛି। ଏହି ଅନୁଷ୍ଠାନ ଟୁଇଟ୍ ଯୋଗେ କହିଛି ଯେ, ଦିଲ୍ଲୀ-ଏନସିଆରରେ କରୋନା ସଂକ୍ରମିତ ୫୧ ହଜାରରୁ ଅଧିକ ଲୋକଙ୍କୁ ଏବଂ ସେମାନଙ୍କ ପରିବାରକୁ ମାଗଣା ଘରୋଇ ଖାଦ୍ୟ ଯୋଗାଇ ଦିଆଯାଇଛି। ଏହା ବ୍ୟତୀତ ଏହା ମଧ୍ୟ କୁହାଯାଇଛି ଯେ, ଯଦି ଦିଲ୍ଲୀ କିମ୍ବା ଏନସିଆରରେ କୌଣସି ପରିବାର ଅଛନ୍ତି ଯେଉଁମାନେ କରୋନା ସଂକ୍ରମିତ ଅଛନ୍ତି ଏବଂ ଘରେ ତିଆରି ଖାଦ୍ୟ ଖାଇବା ଉଚିତ, ତେବେ ସେମାନେ ଏହି ସୂଚନା ବାଣ୍ଟିପାରିବେ। ସେହ୍ବାଗଙ୍କ ସଂଗଠନକୁ ମଧ୍ୟ ବହୁତ ପ୍ରଶଂସା କରାଯାଉଛି।
୍ଆନ୍ତର୍ଜାତୀୟ କ୍ୟାରିୟରରେ ୧୭ ହଜାରରୁ ଅଧିକ ରନ ସଂଗ୍ରହ କରିଥିବା ସେହ୍ବାଗ ଏହାକୁ ରିଟୁଇଟ କରିଛନ୍ତି। ଲୋକମାନେ ତାଙ୍କ ସଂଗଠନ ବିଷୟରେ ପ୍ରଶଂସା କରୁଛନ୍ତି। ସେ ଏହା ପୂର୍ବରୁ ସୋସିଆଲ ମିଡିଆରେ ଲୋକଙ୍କୁ ଏହି କାର୍ଯ୍ୟରେ ଆଗକୁ ଆସିବାକୁ ନିବେଦନ କରିଥିଲେ ଏବଂ ଦାନ କରିବାକୁ କହିଥିଲେ। ସେହ୍ବାଗଙ୍କ ପରି ଅନ୍ୟ କ୍ରିକେଟରମାନେ ମଧ୍ୟ ଏହି ବିପଦ ସମୟରେ ଆଗେଇ ଆସିଛନ୍ତି। ଟିମ ଇଣ୍ଡିଆର ଅଧିନାୟକ ବିରାଟ କୋହଲି ଏବଂ ତାଙ୍କ ସ୍ତ୍ରୀ ଅନୁଷ୍କା ଶର୍ମା ଏକାଠି ଦୁଇ କୋଟି ସମେତ ୧୧ କୋଟି ପାଣ୍ଠି ସଂଗ୍ରହ କରିଛନ୍ତି। କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ବ୍ୟତୀତ ଶିଖର ଧାୱନ, ରିଷଭ ପନ୍ତ, ହନୁମା ବିହାରୀ ମଧ୍ୟ ଏହି କଷ୍ଟ ସମୟରେ ତାଙ୍କ ପକ୍ଷରୁ ସହଯୋଗ କରିଛନ୍ତି।