ନୂଆଦିଲ୍ଲୀ,୮।୧୧: ଭାରତୀୟ କ୍ରିକେଟ ଦଳ ଆଇସିସି ଟି -୨୦ ବିଶ୍ୱକପରୁ ବାଦ ପଡିଛି। ରବିବାର ଆଫଗାନିସ୍ତାନ ବିପକ୍ଷରେ ନ୍ୟୁଜିଲାଣ୍ଡର ବିଜୟ ସହ ସେମିଫାଇନାଲରେ ପ୍ରବେଶ କରିବାରେ ଭାରତର ଆଶା ଶେଷ ହୋଇଛି। ନ୍ୟୁଜିଲାଣ୍ଡର ପରାଜୟ ଭାରତର ସେମିଫାଇନାଲ ଆଶାକୁ ବଞ୍ଚାଇ ରଖିଥାନ୍ତା କିନ୍ତୁ ଏହି ବିଜୟ ସହିତ ଦଳ ଆନୁଷ୍ଠାନିକ ଭାବେ ଟୁର୍ନାମେଣ୍ଟରୁ ବାଦ ପଡିଥିଲା। ଭାରତ ଟୁର୍ନାମେଣ୍ଟରୁ ବାହାରିବା ପରେ ସୋସିଆଲ ମିଡିଆରେ ଭିନ୍ନ ପ୍ରତିକ୍ରିୟା ରହିଛି। ପୂର୍ବତନ ଭାରତୀୟ ଓପନର୍ ବୀରେନ୍ଦ୍ର ସେହ୍ବାଗ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ଏକ ମେମ ଶେୟାର କରିଛନ୍ତି। ଏଥିରେ ରାହୁଲ ମଞ୍ଚରେ ଭାଷଣ ଦେଉଥିବାର ନଜର ଆସିଛନ୍ତି ଏବଂ ଏହା ତଳେ ଲେଖା ହୋଇଛି, ଶେଷ, ବିଦାୟ ଟାଟା ଗୁଡ ବାଏ। ସେହ୍ବାଗଙ୍କ ଏହି ମେମ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। କିଛି ପ୍ରଶଂସକ ସେହ୍ବାଗଙ୍କୁ ତାରିଫ୍ କରି ଏହାକୁ ଉପଯୁକ୍ତ ମେମ ବୋଲି କହିଛନ୍ତି। ଆଉ କିଛି ପ୍ରଶଂସକ ହସିବା ଇମୋଜି ଦେଇଛନ୍ତି।