ନୂଆଦିଲ୍ଲୀ,୨୧।୮: ଭାରତର ପୂର୍ବତନ ଓପନର୍ ବିରେନ୍ଦ୍ର ସେହ୍ବାଗ ନିଜର ବିସ୍ଫୋରକ ବ୍ୟାଟିଂକୁ ନେଇ ଜଣାଶୁଣା। ଦୁନିଆର କିମ୍ବଦନ୍ତୀ ବୋଲରମାନେ ତାଙ୍କୁ ବୋଲିଂ କରିବାକୁ ଡରୁଥିଲେ। ସେ ଯେକୌଣସି ବଲ୍କୁ ନିଜସ୍ବ ଶୈଳୀରେ ଖେଳିପାରୁଥିଲେ। ପରିସ୍ଥିତି କ’ଣ ଏବଂ କେଉଁ ବୋଲର୍ ଅଛନ୍ତି ସେଥିପ୍ରତି ଧ୍ୟାନ ଦେଉ ନ ଥିଲେ। ଏହି କାରଣରୁ ତାଙ୍କ ନାମ ଦୁଇଥର ତ୍ରିଶତକ ମାରିଥିବା କିିଛି ଖେଳାଳିଙ୍କ ତାଲିକାରେ ରହିଛି। ତେବେ ସେହ୍ବାଗ ନିଜ କ୍ୟାରିୟରରେ ତୃତୀୟ ଥର ପାଇଁ ୩୦୦ ରନ୍ ପୂରଣ କରିବାକୁ ଯଥାସମ୍ଭବ ଚେଷ୍ଟା କରିଥିଲେ ହେଁ ମାତ୍ର ୭ ରନ୍ ଯୋଗୁ ତାହା କରିପାରି ନ ଥିଲେ।
୨୦୦୯ରେ ସେହ୍ବାଗ ମୁମ୍ବାଇରେ ଶ୍ରୀଲଙ୍କା ବିପକ୍ଷରେ ତ୍ରିଶତକ କରିଥାନ୍ତେ। ହେଲେ ସେଥିରୁ ବଞ୍ଚିତ ହୋଇଥିଲେ। ଏହା ପଛରେ ଦ୍ରାବିଡ ଥିବା ଏବେ ମୁଥେୟା ମୁରଲୀଧରନ କହିଛନ୍ତି। ସେହ୍ବାଗ ନିଜର ୨୮୪ରନ୍ କରିଥିବା ବେଳେ ଯଥାଶୀଘ୍ର ରନ୍ କରିବାକୁ ଚାହୁଁଥିଲେ। ହେଲେ ଦ୍ରାବିଡ ତାଙ୍କୁ ତତ୍ପର ହୁଅ ନାହିଁ ବୋଲି କହି ପରଦିନ ଖେଳି ୩୦୦ ରନ୍ ପୂର୍ଣ୍ଣ କରିବାକୁ କହିଥିଲେ। ହେଲେ ତାହା ହୋଇପାରି ନ ଥିଲା। ୨୯୩ ରନ୍ କରିଥିବା ବେଳେ ମୁରଲୀଧରନ୍ ତାଙ୍କ ଉଇକେଟ ନେଇଥିଲେ। ଫଳରେ ତାଙ୍କ ସ୍ବପ୍ନ ପୂରଣ ହୋଇପାରି ନ ଥିଲା। ତେବେ ଦ୍ରାବିଡଙ୍କ ପରାମର୍ଶକୁ ଅନୁସରଣ କରିବା ଉଚିତ ନ ଥିଲା। ଦ୍ୱିତୀୟ ଦିନ ହିଁ ସେ ତାଙ୍କୁ ଖେଳି ତ୍ରିଶତକ ପୂରଣ କରିହୋଇଥାନ୍ତା ବୋଲି ସେହ୍ବାଗ କହିଥିବା ମୁରଲୀଧରନ କହିଛନ୍ତି।
