ମେକ୍ସିକୋ ସିଟି,୩।୭ : ଦୁନିଆର ଅନେକ ଲୋକ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ କିମ୍ବା ଗୋଟିଏ ଦେଶରୁ ଅନ୍ୟ ଦେଶକୁ ପର୍ଯ୍ୟଟକ ଭାବରେ ଆସୁଛନ୍ତି। ତଥାପି, ଅନେକ ଲୋକ ମଧ୍ୟ ମହାକାଶକୁ ଯାତ୍ରା କରିବାର ସ୍ବପ୍ନ ଦେଖୁଛନ୍ତି। ବର୍ତ୍ତମାନ ଏଭଳି ପର୍ଯ୍ୟଟକଙ୍କ ମହାକାଶକୁ ଯାତ୍ରା କରିବାର ସ୍ବପ୍ନ ସାକାର ହେବାକୁ ଯାଉଛି। ବାସ୍ତବରେ, ଭର୍ଜିନ ଗାଲାକ୍ଟିକ ଏହି କ୍ଷେତ୍ରରେ ଇତିହାସ ସୃଷ୍ଟି କରିଛି ଏବଂ ପ୍ରଥମ ଥର ପାଇଁ ମହାକାଶରେ ବ୍ୟବସାୟିକ ଉଡ଼ାଣ କରି ସଫଳତା ହାସଲ କରିଛି ।
ଏହି ୍ଯାତ୍ରା ପାଇଁ ତିନି ଜଣ ଲୋକ ଯାଇଥିଲେ ଏବଂ ସମସ୍ତ ତିନି ଯାତ୍ରୀ ଇଟାଲୀରୁ ଆସିଥିଲେ। ଭର୍ଜିନ ଗାଲାକ୍ଟିକର ବିମାନ ଭିଏସଏସ ମେକ୍ସିକୋ ମରୁଭୂମି ଉପରେ ୮୦ କିଲୋମିଟର ଉଡ଼ିଥିଲା। ଏହି ସଫଳ ମିଶନ ସହିତ ୬୩ ବର୍ଷିୟ ଶିଳ୍ପପତି ରିଚାର୍ଡ ବ୍ରାନସନ ମଧ୍ୟ ସ୍ପେସ ପର୍ଯ୍ୟଟକଙ୍କ ମଧ୍ୟରେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଏଲନ ମସ୍କ ଏବଂ ଜେଫ ବେଜୋସ ଥିଲେ।
ମିଶନର ସଫଳତା ପରେ ଭର୍ଜିନ ଗାଲାକ୍ଟିକ କହିଛି କମ୍ପାନୀ ଖୁବ ଶୀଘ୍ର ମାସିକ ବ୍ୟବସାୟିକ ବିମାନ ଆରମ୍ଭ କରିବ ଏବଂ କମ୍ପାନୀ ବହୁ ପରିମାଣର ରାଜସ୍ବ ସଂଗ୍ରହ କରିବାର ଆଶା ରଖିଛି। ଏହି ବିମାନରେ ଇଟାଲୀର ଜାତୀୟ ଅନୁସନ୍ଧାନ ପରିଷଦର ଜଣେ ଏରୋନେଟିକାଲ ଇଞ୍ଜିନିୟର ଇଟାଲୀ ବାୟୁସେନାର ଦୁଇ କଲୋନେଲ ମଧ୍ୟ ଉଡିଥିଲେ। ସମସ୍ତ ତିନି ଯାତ୍ରୀ ୯୦ ମିନିଟ ପାଇଁ ମହାକାଶରେ ଉଡ଼ିଥିଲେ। ଏହାର ଟିକଟ ଦାବ ୪୫୦ ହଜାର ଡଲାର ଥିଲା ଯାହାକି ଏକ ବିଳାସପୂର୍ଣ୍ଣ ଫେରାରି କାରର ମୂଲ୍ୟ ସହ ସମାନ
