ବଲିଉଡ୍ ଅଭିନେତ୍ରୀ କାଟ୍ରିନା କୈଫ ଏବଂ ଅଭିନେତା ଭିକି କୌଶଲ ଖୁବ୍ଶୀଘ୍ର ବିବାହ ବନ୍ଧନରେ ଆବଦ୍ଧ ହେବେ ବୋଲି ଚର୍ଚ୍ଚ ଜୋର ଧରିଛି। ବିବାହ ପ୍ରସ୍ତୁତି ମଧ୍ୟରେ ଭିକି ନିଜ ପାଇଁ ଏକ ଘର ନେଇଛନ୍ତି। ଭିକି ଜୁହୁରେ ଥିବା ଏକ ଆପାର୍ଟମେଣ୍ଟରେ ଘର କିଣିଛନ୍ତି। ଭିକିଙ୍କ ଏହି ଆପାର୍ଟମେଣ୍ଟ ଅଭିନେତ୍ରୀ ଅନୁଷ୍କା ଶର୍ମା ଏବଂ କ୍ରିକେଟର ବିରାଟ କୋହଲିଙ୍କ ଘର ଅଛି। ଏହାର ଅର୍ଥ ଭିକି-କାଟ୍ରିନା ଖୁବ ଶୀଘ୍ର ଅନୁଷ୍କା-ବିରାଟଙ୍କ ପଡ଼ୋଶୀ ହେବେ।
ଏହି ଆପାର୍ଟମେଣ୍ଟରେ ବିରାଟ-ଅନୁଷ୍କାଙ୍କର ଦୁଇଟି ମହଲା ଅଛି। କୁହାଯାଉଛି ଯେ ଭିିକି ସମାନ ଆପାର୍ଟମେଣ୍ଟରେ ଥିବା ଅଷ୍ଟମ ମହଲାକୁ ୬୦ ମାସ ଅର୍ଥାତ୍ ୫ ବର୍ଷ ଭଡ଼ାରେ ନେଇଛନ୍ତି। ଭିକି ଏହି ଭଡାକୁ ତିନୋଟି ଭିନ୍ନ କିସ୍ତିରେ ଦେବେ। ଭିକି ପୂର୍ବରୁ ଭଡା ହିସାବରେ ୧.୭୫ କୋଟି ଟଙ୍କା ଦେଇଛନ୍ତି। ବିବାହ ପରେ ବିକି ଏବଂ କାଟ୍ରିନା ଏହି ଆପାର୍ଟମେଣ୍ଟରେ ରହିବେ। ଆପାର୍ଟମେଣ୍ଟ ପାଇଁ ପ୍ରାରମ୍ଭିକ ୩୬ ମାସ ପାଇଁ ଭଡା ମାସକୁ ୮ ଲକ୍ଷ ଟଙ୍କା ଅଟେ। ଆସନ୍ତା ୧୨ ମାସ ପାଇଁ ଏହା ମାସକୁ ୮.୪୦ ଲକ୍ଷ ଟଙ୍କା ଏବଂ ବାକି ୧୨ ମାସ ପାଇଁ ଭିକି ଭଡା ହିସାବରେ ମାସକୁ ୮.୮୨ ଲକ୍ଷ ଟଙ୍କା ଦେବେ। ନିକଟରେ କାଟ୍ରିନା ଏବଂ ଭିକିଙ୍କ ନିର୍ବନ୍ଧ ସମ୍ପନ୍ନ ହୋଇଛି।
