ଅହମ୍ମଦାବାଦ,୨୭ା୧- ଚଳିତ ସୟଦ ମୁସ୍ତାକ ଅଲି ଟି୨୦ ଟୁର୍ନାମେଣ୍ଟରେ ବୁଧବାର ଏକ ରୋମାଞ୍ଚକ ମ୍ୟାଚ୍ରେ ହରିୟାଣାକୁ ୮ ଉଇକେଟରେ ହରାଇ ଦେଇଛି ବରୋଦା। ଏହି ବିଜୟ ସହ ଦଳ ସେମିଫାଇନାଲରେ ପ୍ରବେଶ କରିଛି। ମାତ୍ର ୧୪୯ ରନ୍ର ଟାର୍ଗେଟ ପିଛା କରୁଥିଲା ବରୋଦା। ମାତ୍ର ବ୍ୟାଟ୍ସମ୍ୟାନମାନଙ୍କ ଧିମା ବ୍ୟାଟିଂ ଯୋଗୁ ମ୍ୟାଚ୍ ଜିତିବା କଷ୍ଟକର ହୋଇପଡ଼ିଥିଲା। ଏପରି କି ଅନ୍ତିମ ୩ ବଲରେ ବରୋଦାକୁ ଦରାକର ଥାଏ ୧୫ ରନ୍। ୨୦ତମ ଓଭରର ଚତୁର୍ଥ ବଲକୁ ଛକା ଲଗାଇ ଦଳର ବିଜୟ ଆଶା ଭାଙ୍ଗିବାକୁ ଦେଇ ନ ଥିଲେ ବିଷ୍ଣୁ ସୋଲାଙ୍କି। ପଞ୍ଚମ ବଲକୁ ଚୌକା ମାରିବା ପରେ ଅନ୍ତିମ ବଲରେ ଦଳକୁ ସେମିଫାଇନାଲରେ ପ୍ରବେଶ କରିବା ପାଇଁ ଆବଶ୍ୟକ ଥାଏ ୫ ରନ୍। ହେଲେ ଲଙ୍ଗ୍ ଅନ ଅଞ୍ଚଳକୁ ଛକା ମାରି ଦଳକୁ ଦେଇଥିଲେ ବିଜୟ ଭେଟି। ମ୍ୟାଚ୍ରେ ବିଜୟୀ ଦଳ ପାଇଁ ହିରୋ ସାଜି ଥିବା ସୋଲାଙ୍କି ୪୬ ବଲରେ ଖେଳିଥିଲେ ୭୧ ରନ୍ର ବିସ୍ଫୋରକ ପାଳି। ଏଥିରେ ସାମିଲ ଥିଲା ୫ ଛକା ଓ ୪ ଚୌକା। ପ୍ରଥମେ ବ୍ୟାଟିଂ କରିଥିବା ମୋହିତ ଶର୍ମାଙ୍କ ନେତୃତ୍ୱାଧୀନ ହରିୟାଣା ପ୍ରଥମେ ବ୍ୟାଟିଂ କରି ୭ ଉଇକେଟ କ୍ଷତିରେ ୧୪୮ ରନ୍ କରିଥିଲା।