ହିଞ୍ଜିଳିକାଟୁ,୧୫ା୨(ଡି.ଏନ୍.ଏ.): ତ୍ରିସ୍ତରୀୟ ପଞ୍ଚାୟତ ନିର୍ବାଚନର ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ବୁଧବାର ହିଞ୍ଜିଳିକାଟୁ ବ୍ଳକର ସମସ୍ତ ପଞ୍ଚାୟତରେ ଅନୁଷ୍ଠିତ ହେବ। ମତଦାନ ନିମନ୍ତେ ଚୂଡାନ୍ତ ପ୍ରକ୍ରିୟାକୁ ଅନୁଧ୍ୟାନ ନିମନ୍ତେ ବୁଧବାର ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ବିଭିନ୍ନ ବୁଥ ପରିଦର୍ଶନ କରିଛନ୍ତି । ସ୍ଥାନୀୟ ବ୍ଳକ ପୋଚିଲିମା ପଞ୍ଚାୟତ ସୋମପୁରଠାରେ ୨ଟି ଆଦର୍ଶ ମତଦାନ କେନ୍ଦ୍ର ତଥା ପିଙ୍କ୍ ବୁଥ୍ ନଂ ୭ ଓ ୮କୁ ଜିଲାପାଳ କୁଲାଙ୍ଗେ ପରିଦର୍ଶନ କରିଥିଲେ। ମହିଳା ଅଧିକାରୀମାନଙ୍କ ଦ୍ବାରା ଏହି ୨ଟି ବୁଥ୍ ପରିଚାଳନା ହେବ। ଏହି ବୁଥ୍କୁ ବେଲୁନ ଓ ପିଙ୍କ୍ ରଙ୍ଗରେ ସଜ୍ଜିତ କରାଯାଇଛି। ନିର୍ବାଚନକୁ ଅବାଧ, ନିରପେକ୍ଷ ଭାବେ ମତଦାନ ନିମନ୍ତେ ଜିଲାପାଳ ଗୁରୁତ୍ୱାରୋପ କରିଛନ୍ତି।