ନୂଆଦିଲ୍ଲୀ : ପ୍ରଥମ ଭାରତୀୟ ବିମାନ ସେବା ଯୋଗାଣକାରୀ କମ୍ପାନୀ ଭାବେ ଭିସ୍ତାରା ଏହାର ବିମାନ ଯାତ୍ରୀଙ୍କୁ ଅନ୍ବୋର୍ଡ ଓ୍ବାଇଫାଇ ସେବା ପ୍ରଦାନ କରିବ। ସେପ୍ଟେମ୍ବର ୧୮ଠାରୁ ବିମାନଯାତ୍ରୀ ଏହି ସେବା ଲାଭ କରିପାରିବେ ବୋଲି କମ୍ପାନୀ ପକ୍ଷରୁ ସୂଚନା ରହିଛି। କମ୍ପାନୀ ଏହାର ବୋଇଂ ୭୮୭ ଡ୍ରିମ୍ଲାଇନର ବିମାନରେ ପ୍ରଥମେ ଏହି ସେବା ଦେବାକୁ ଯାଉଛି। ଏହି ବିମାନ ସେବା ଦିଲ୍ଲୀରୁ ଲଣ୍ଡନ ମଧ୍ୟରେ ଉପଲବ୍ଧ ହେଉଛି। ନିର୍ଦ୍ଦିଷ୍ଟ ସମୟ ଲାଗି ଭିସ୍ତାରା ଗ୍ରାହକଙ୍କ ଲାଗି ଏହି ସେବାକୁ ମାଗଣା ରଖିଛି। ଉକ୍ତ ସେବାକୁ କମ୍ପାନୀ ଏୟାରବସ୍ ଏ ୩୨୧ ନିଓ ଏୟାରକ୍ରାଫ୍ଟରେ ଶୀଘ୍ର ଆରମ୍ଭ କରିବା ନେଇ ଲକ୍ଷ୍ୟ ରଖିଛି। ଏହି ପରିପ୍ରେକ୍ଷୀରେ କମ୍ପାନୀର ମୁଖ୍ୟ କମର୍ସିଆଲ ଅଧିକାରୀ ବିନୋଦ କାନନ କହିଛନ୍ତି ଯେ, ଏଭଳି ସେବା ଆରମ୍ଭକରି ଅତ୍ୟନ୍ତ ଖୁସି। ବିମାନଯାତ୍ରୀଙ୍କୁ ବିଶ୍ୱସ୍ତରୀୟ ଅନ୍ବୋର୍ଡ ସେବା ଯୋଗାଣ ଲାଗି ପ୍ରୟାସ ଜାରି ରହିବ।