ସମଲପୁର,୨୯। ୧୧(ବ୍ୟୁରୋ): ବୁର୍ଲା ଭିସୁଟ ଛାତ୍ର ରାଗିଂ ଘଟଣାରେ ୭ ଜଣ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ୩ ଛାତ୍ରଙ୍କୁ ବହିଷ୍କୃତ କରାଯାଇଥିବା ବେଳେ ୪ ଛାତ୍ରଙ୍କଠାରୁ ୫ ହଜାର ଟଙ୍କା ଲେଖାଏ ଜରିମାନା ନିଆଯାଇଛି। ରାଗିଂ ବିରୋଧରେ କର୍ତ୍ତୃପକ୍ଷ ଏହିଭଳି ପଦକ୍ଷେପ ନେଇଛନ୍ତି।
ସୂଚନାଯୋଗ୍ୟ, ଭିସୁଟରେ ଜଣେ ଦ୍ୱିତୀୟ ବର୍ଷର ଛାତ୍ର ହଷ୍ଟେଲ ରୁମରେ ଶୋଇଥିବା ବେଳେ ସିନିୟର ଛାତ୍ର ପଶି ଆସିଥିଲେ। ପରେ ସେମାନେ ଜୁନିୟର ଛାତ୍ରଙ୍କୁ ମାଡ଼ ମାରିବା ସହ ରାଗିଂ କରିଥିଲେ। ପ୍ରତିବାଦ କରିବାରୁ ଉକ୍ତ ଛାତ୍ରଙ୍କୁ ପରବର୍ତ୍ତୀ ସମୟରେ ଆକ୍ରମଣ କରାଯାଇଥିଲା। ଏ ନେଇ ଛାତ୍ର ଜଣଙ୍କ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଥିଲେ। ପରେ ତଦନ୍ତ ହୋଇ କାର୍ଯ୍ୟାନୁଷ୍ଠାନ ନିଆଯାଇଛି।