ମୁମ୍ବାଇ: କାଶ୍ମୀର ଫାଇଲ୍ସ ପରି ହିଟ ମୁଭି ନିର୍ମାଣ କରିଥିବା ନିର୍ମାତା ବିବେକ ଅଗ୍ନିହୋତ୍ରୀ ମଧ୍ୟ ତାଙ୍କର ବେବାକ ଅନ୍ଦାଜ ପାଇଁ ବେଶ ଜଣାଶୁଣା। ସେ ପ୍ରତ୍ୟେକ ପ୍ରସଙ୍ଗରେ ନିଜର ମତ ଦେବାକୁ ପଛଘୁଞ୍ଚା ଦିଅନ୍ତି ନାହିଁ। ନିକଟରେ ବିବେକ ତାଙ୍କ ୱେବ ସିରିଜ ‘ଦ କାଶ୍ମୀର ଫାଇଲ୍ସ ଅନ ରିପୋର୍ଟେଡ’ର ଟ୍ରେଲର ରିଲିଜ କରିଛନ୍ତି। ଯାହାକୁ ବହୁତ ପସନ୍ଦ କରାଯାଉଛି, ତେବେ କିଛି ଲୋକ ଏହାକୁ ସମାଲୋଚନା ବି କରୁଛନ୍ତି। ଇତିମଧ୍ୟରେ ଜଣେ ୟୁଜର ଟୁଇଟରରେ ମଣିପୁର ଫାଇଲ୍ସ ନିର୍ମାଣ କରିବାକୁ ବିବେକଙ୍କୁ ଦାବି କରିଥିଲେ। ଯାହାକୁ ବିବେକ ମଧ୍ୟ ଉତ୍ତର ଦେଇଛନ୍ତି।
ମଣିପୁରରେ ଲଜ୍ଜାଜନକ ଘଟଣା ପରେ ସମଗ୍ର ଦେଶ କ୍ରୋଧରେ ଅଛନ୍ତି। ସେଠାରୁ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ଦୁଇଜଣ ମହିଳା ବିନା ପୋଷାକରେ ପରେଡ କରୁଛନ୍ତି। ଯାହା ପରେ ସମସ୍ତେ ଏହାକୁ ନିନ୍ଦା କରୁଛନ୍ତି ଏବଂ ଅଭିଯୁକ୍ତଙ୍କ ପାଇଁ କଠୋର ଦଣ୍ଡ ଦାବି କରୁଛନ୍ତି।
ଜଣେ ୟୁଜର ବିବେକ ଅଗ୍ନିହୋଟ୍ରିଙ୍କୁ ଲେଖିଥିଲେ- ‘ସମୟ ନଷ୍ଟ କର ନାହିଁ, ଯାଅ ଏବଂ ମଣିପୁର ଫାଇଲ୍ସ ଚଳଚ୍ଚିତ୍ର କର ଯଦି ତୁମେ ଜଣେ ପୁରୁଷ।’ ବିବେକ ଏହି ୟୁଜର୍ସଙ୍କୁ ଉତ୍ତର ଦେଇ ଲେଖିଛନ୍ତି- ‘ମୋ ଉପରେ ଏତେ ବିଶ୍ୱାସ ଦେଖାଇଥିବାରୁ ଧନ୍ୟବାଦ, କିନ୍ତୁ ତୁମେ ମୋ ଦ୍ୱାରା ସମସ୍ତ ମୁଭି ନିର୍ମାଣ କରିବ କି ବୋଲି ବିବେକ ଉକ୍ତ ୟୁଜରଙ୍କୁ ପ୍ରଶ୍ନ କରିଥିଲେ। ଏହାସହ ବିବେକ ଆହୁରି ମଧ୍ୟ କହିଥିଲେ ତୁମର ‘ଟିମ ଇଣ୍ଡିଆ’ରେ କୌଣସି ପୁରୁଷ ନିର୍ମାତା ନାହାଁନ୍ତି କି ବୋଲି ସେ ପ୍ରଶ୍ନ ବି କରିଥିଲେ।