ବମ୍ବେ: ରିଲିଜ ହେବା ପରଠାରୁ ଚର୍ଚ୍ଚାରେ ରହିଛି ଆମିର ଖାଁ ଏବଂ କରିନା କପୁର ଖାଁ ଅଭିନୀତ ଫିଲ୍ମ ‘ଲାଲ ସିଂ ଚଢ୍ଢା’। ପ୍ରଥମେ ଫିଲ୍ମକୁ ବଏକଟ କରିବା ଲାଗି ସୋସିଆଲ ମିଡିଆରେ ଟ୍ରେଣ୍ଡ ଚାଲିଥିଲା ବେଳେ ଏବେ ଫିଲ୍ମକୁ ମିଶ୍ର ପ୍ରତିକ୍ରିୟା ମିଳୁଛି। ବିଶେଷକରି ଅନେକ ସିନେମାହଲ୍ ଖାଲି ପଡ଼ୁଥିବା ଦେଖାଯାଇଛି। ଏସବୁ ମଧ୍ୟରେ ଫିଲ୍ମନିର୍ମାତା ବିବେକ ଅଗ୍ନିହୋତ୍ରୀଙ୍କୁ ମଧ୍ୟ ଫିଲ୍ମ ପସନ୍ଦ ଆସିନାହିଁ। ସେ ଏହାକୁ ନେଇ କରିଥିବା ଟୁଇଟ୍ ଏବେ ଭାଇରାଲ ହେଉଛି।
ଆମିରଙ୍କ ନାଁ ନ ନେଇ ବିବେକ ତାଙ୍କୁ କଟାକ୍ଷ କରିଛନ୍ତି। ସେ କହିଛନ୍ତି, ଆଜିକାଲି ବଲିଉଡ୍ ବୁଡ଼ିବାକୁ ବସିଲାଣି, କାରଣ ୬୦ ବର୍ଷର ହିରୋ, ୨୦-୩୦ ବର୍ଷିୟା ଅଭିନେତ୍ରୀଙ୍କ ସହ ରୋମାନ୍ସ କରୁଥିବା ଦେଖାଯାଉଛି। ଏମିତିରେ ଦର୍ଶକଙ୍କୁ କ’ଣ ପାକୃତିକ ଜିନିଷ ଦେଖାଯାଉଛି। ଏବେ ତ ଭିଏଫ୍ଏକ୍ସ ସହାୟତାରେ ଫିଲ୍ମରେ ବହୁତ କିଛି ପରିବର୍ତ୍ତନ କରାଯାଉଛି, ଯାହାକି ସମସ୍ତେ ଜାଣନ୍ତି ବୋଲି ସେ କହିଛନ୍ତି।
Forget the quality of a film, when 60 yr old heroes are desperate to romance 20/30 yr old girls, photoshopping faces to look young, there is something fundamentally wrong with Bollywood.
‘Looking young & cool’ has destroyed Bollywood. And only one person is responsible for this.
— Vivek Ranjan Agnihotri (@vivekagnihotri) August 12, 2022
ଏହି ଟୁଇଟ୍ ଏବେ ଚର୍ଚ୍ଚାରେ ରହିଥିବା ବେଳେ କିଛି ଲୋକଙ୍କୁ ତାହା ପସନ୍ଦ ଆସିନାହିଁ। ବିଗତ ଦିନରେ ସେ ଆମିରଙ୍କ ଫିଲ୍ମ ‘ପିକେ’କୁ ସମର୍ଥନ କରିଥିବା ଅନେକ ମନେ ପକାଇ ଦେଇଛନ୍ତି। ସେହିଭଳି ଅନ୍ୟ ଜଣେ ସେ ବଲିଉଡ୍ରେ କେବଳ ନୁହେଁ, ଦକ୍ଷିଣ ଭାରତୀୟ ସିନେମାରେ ରଜନୀକାନ୍ତ ମଧ୍ୟ ୨୦ ବର୍ଷ ହେଲାଣି ସେଭଳି କରୁଥିବା ମତ ରଖୁଛନ୍ତି।
