ବମ୍ବେ: ବିବେକ ଓବରୟ ବଲିଉଡର ଚର୍ଚ୍ଚିତ ଅଭିନେତାଙ୍କ ମଧ୍ୟରୁ ଜଣେ। ରାମ ଗୋପାଳ ବର୍ମାଙ୍କ ଫିଲ୍ମ ‘କମ୍ପାନୀ’ରୁ ସେ ନିଜର କ୍ୟାରିୟର ଆରମ୍ଭ କରିଥିଲେ। ପରେ କିଛି ହାତଗଣତି ଫିଲ୍ମରେ ତାଙ୍କୁ ଦେଖିବାକୁ ମିଳିଥିଲା। ଏହି ସମୟରେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସହ ସମ୍ପର୍କକୁ ନେଇ ସେ ଚର୍ଚ୍ଚାରେ ରହିଥିଲେ। ହେଲେ ପ୍ରେମରେ ସଫଳ ହୋଇ ନ ଥିଲେ ବିବେକ।
ବମ୍ବେର ଜୁହୁ ଅଞ୍ଚଳରେ ରହୁଛନ୍ତି ବିବେକ। ୧୪ କୋଟି ଟଙ୍କାର ଏକ ଭବ୍ୟ ବଙ୍ଗଳାରେ ସେ ଓ ତାଙ୍କ ପରିବାର ରହୁଛନ୍ତି। ପରିବାର କହିଲେ ତାଙ୍କ ମା’ବାପା, ସ୍ତ୍ରୀ ଓ ଦୁଇ ଶିଶୁ।
ତେବେ ବିବେକଙ୍କ ବାପା ସୁରେଶ ଓବରୟ ୭୦-୮୦ ଦଶକର ଲୋକପ୍ରିୟ ଅଭିନେତା। ସେ ନଶିରୁଦ୍ଦିନ ଶାହାଙ୍କଠାରୁ ଆରମ୍ଭ କରି ଅନ୍ୟ ବଡ଼ କଳାକାରଙ୍କ ସହ ନଜର ଆସିଛନ୍ତି।
ବିବେକଙ୍କ ପତ୍ନୀଙ୍କ ନାମ ପ୍ରିୟଙ୍କା। ପ୍ରିୟଙ୍କାଙ୍କ ବାପା କର୍ନାଟକ ସରକାର ଅମଳରେ ମନ୍ତ୍ରୀ ଥିଲେ। ବିବେକ ନିଜ ଘରକୁ ବେଶ ସୁନ୍ଦର ଭାବେ ସଜାଇଥିବା ବେଳେ ସୋସିଆଲ ମିଡିଆରେ ଏହାର ଫଟୋ ଶେୟାର କରିଥାନ୍ତି।
