ମସ୍କୋ,୧୬।୧୨: ଗତ ୨୨ ମାସ ଧରି ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଚାଲିଛି। ଏହା କେବଳ ଛୋଟ ଦେଶ ୟୁକ୍ରେନକୁ ପ୍ରଭାବିତ କରିନାହିଁ, ବରଂ ରୁଷିଆ ଭଳି ଏକ ଶକ୍ତିଶାଳୀ ଦେଶ ମଧ୍ୟ ଯୁଦ୍ଧର ପ୍ରକୋପରେ ପ୍ରଭାବିତ ହୋଇଛି। ଏହି ସମୟରେ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ୍ ଦେଶକୁ ନେଇ ଆସିଥିବା ସଙ୍କଟ ପାଇଁ ଜନସାଧାରଣଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି।
ରୁଷିଆ ଟେଲିଭିଜନରେ ଆୟୋଜିତ ଏକ ପ୍ରଶ୍ନ ସେସେନରେ ସେ ଦେଶରେ ନିଜର ମୁଦ୍ରାସ୍ଫୀତି ବୃଦ୍ଧି ଏବଂ ଅଣ୍ଡାର ମୂଲ୍ୟ ବୃଦ୍ଧି ପାଇଁ ନିଜ ସରକାରକୁ ଦାୟୀ କରିଥିଲେ ଏବଂ ଦେଶର ଲୋକଙ୍କ ନିକଟରେ ମଧ୍ୟ କ୍ଷମା ମାଗିଥିଲେ। ରୁଷିଆରେ ବର୍ଷ ଆରମ୍ଭରୁ ଅଣ୍ଡାର ମୂଲ୍ୟ ୪୦ ପ୍ରତିଶତ ବୃଦ୍ଧି ପାଇଛି। ଅଣ୍ଡାର ମୂଲ୍ୟ ବୃଦ୍ଧି ପାଇଁ ସେ ସରକାରଙ୍କୁ ଦାୟୀ କରିଛନ୍ତି। ଏହାକୁ ସରକାରଙ୍କ ଉଦ୍ୟମର ବିଫଳତା ବୋଲି ବିବେଚନା କରି ସେ କହିଛନ୍ତି ମୁଁ ଏଥିପାଇଁ କ୍ଷମା ପ୍ରାର୍ଥନା କରୁଛି, କିନ୍ତୁ ଏହା ସରକାରଙ୍କ କାର୍ଯ୍ୟର ବିଫଳତା।
ଏହି କାର୍ଯ୍ୟକ୍ରମରେ ପୁଟିନ ଚେତାବନୀ ଦେଇଛନ୍ତି ଯେ ଚଳିତ ବର୍ଷ (୨୦୨୪) ମୁଦ୍ରାସ୍ଫୀତି ୮ ପ୍ରତିଶତକୁ ବୃଦ୍ଧି ପାଇପାରେ। ରୁଷିଆର ସେଣ୍ଟ୍ରାଲ ବ୍ୟାଙ୍କର ମୁଦ୍ରାସ୍ଫୀତି ଲକ୍ଷ୍ୟ ଏହା ଦୁଇଗୁଣ ଅଟେ, ଯାହା ବାର୍ଷିକ ମୂଲ୍ୟ ୪ପ୍ରତିଶତ ବୃଦ୍ଧି କରିବାକୁ ଲକ୍ଷ୍ୟ ରଖିଛି।