କେନ୍ଦୁଝର,୧୬ା୧୧: ଦେଶର ପ୍ରମୁଖ ଇଲେକ୍ଟ୍ରୋନିକ୍ସ ଉତ୍ପାଦକ କମ୍ପାନୀ ଭୋଲ୍ଟାସ୍ର ଆଉ ଏକ ବ୍ରାଣ୍ଡ୍ ଶପ୍ ଓଡ଼ିଶା ବଜାରରେ ଶୁଭାରମ୍ଭ ହୋଇଯାଇଛି। ଏପରିକି କମ୍ପାନୀର ସ୍ବୀକୃତିପ୍ରାପ୍ତ ଡିଲର ‘ଅମ୍ବିକା ହୋମ୍ ଆପ୍ଲିଆନ୍ସ’ ଜରିଆରେ ମଙ୍ଗଳବାର କେନ୍ଦୁଝର ସହର ଥାନା ଛକ (ରତନ ଟାଓ୍ବାର) ନିକଟରେ ଭୋଲ୍ଟାସ୍ର ପ୍ରଥମ ବ୍ରାଣ୍ଡ୍ ଶପ୍ ଉଦ୍ଘାଟିତ ହୋଇଯାଇଛି। ଏହି ଅବସରରେ କମ୍ପାନୀର ଆଞ୍ଚଳିକ ମୁଖ୍ୟ (ଇଷ୍ଟ-୨) ମାନସ କୁମାର ମଲ୍ଲିକ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଅମ୍ବିକା ହୋମ୍ ଆପ୍ଲିଆନ୍ସର ମୁଖ୍ୟ ପ୍ରକାଶ ଅଗ୍ରଓ୍ବାଲଙ୍କ ସମେତ ଉଭୟ ଅଗ୍ରଓ୍ବାଲ ପରିବାରର ସଦସ୍ୟ ଓ ଷ୍ଟୋରର କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ, ଓଡ଼ିଶା ବଜାରରେ ଏହା ୧୦ମ ବ୍ରାଣ୍ଡ୍ ଶପ୍ ବୋଲି କମ୍ପାନୀ ପକ୍ଷରୁ କୁହାଯାଇଛି।
ଏ ସମ୍ପର୍କରେ ଭୋଲ୍ଟାସ୍ର ଏମ୍ଡି ତଥା ସିଇଓ ପ୍ରଦୀପ ବକ୍ସି କହିଛନ୍ତି, ଓଡ଼ିଶାର କେନ୍ଦୁଝର ଜିଲାରେ ଭୋଲ୍ଟାସ୍ର ବ୍ରାଣ୍ଡ୍ ଶପ୍ର ଶୁଭାରମ୍ଭ ହୋଇଥିବାରୁ ଆମେ ବହୁ ଖୁସି। କାରଣ କମ୍ପାନୀ ମାର୍କେଟ ଲିଡର ଭାବେ ଉପଭୋକ୍ତାମାନଙ୍କୁ ସବୁବେଳେ ବ୍ୟବସାୟର କେନ୍ଦ୍ରସ୍ଥଳୀରେ ରଖି ଟେକ୍ନୋଲୋଜିକାଲ ଆଡଭାନ୍ସ ସାମଗ୍ରୀ ଯୋଗାଇଦେବାକୁ ପ୍ରୟାସ ଜାରି ରଖିଛି। ସେହିଭଳି କେନ୍ଦୁଝର ଜିଲା ସମେତ ଏହାର ନିକଟବର୍ତ୍ତୀ ସହର ଓ ଜିଲାର ଗ୍ରାହକଙ୍କ ଆବଶ୍ୟକତା ପୂରଣ କରିବ ବୋଲି ପ୍ରକାଶ କହିଛନ୍ତି। ସେହିପରି ଏଠାରେ କମ୍ପାନୀର ସମସ୍ତ ବ୍ରାଣ୍ଡ୍ ଉପଲବ୍ଧ ହେଉଥିବା ବେଳେ ଆଗାମୀ ୭ ଦିନ ପର୍ଯ୍ୟନ୍ତ ପ୍ରତ୍ୟେକ ସାମଗ୍ରୀରେ ନିଶ୍ଚିତ ଉପହାର ସାଙ୍ଗକୁ ଏକ୍ସଚେଞ୍ଜ ଅଫର ଓ ଏସିରେ ମାଗଣା ଇନ୍ଷ୍ଟାଲେଶନ ବ୍ୟବସ୍ଥା ମଧ୍ୟ ରହିଛି ବୋଲି ମାନସ ମତପ୍ରକାଶ କରିଛନ୍ତି।