ବରଗଡ଼ ଅଫିସ୍/ପଦ୍ମପୁର,୨୩।୯: ବରଗଡ଼ ଜିଲା ପଦ୍ମପୁର ଉପଖଣ୍ଡ ମହୁଲପାଲି ଗ୍ରାମରେ ଶୁକ୍ରବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଭିମସାର୍, ବୁର୍ଲାରୁ ବ୍ୟବଚ୍ଛେଦ ହୋଇ ଏକ ମୃତଦେହ ଗ୍ରାମରେ ପହଞ୍ଚତ୍ବା ପରେ ଜାତିପ୍ରଥାକୁ କେନ୍ଦ୍ର କରି ମୃତକଙ୍କୁ ଚାରିକାନ୍ଧ ମିଳି ନ ଥିଲା। ଫଳରେ ଜଣେ ସ୍ବେଚ୍ଛାସେବୀ ବାଇକ୍ ଯୋଗେ ମୃତଦେହକୁ ଶ୍ମଶାନକୁ ନେଇ ଦାହ କରିଥିଲେ। ଏହି ଘଟଣା ଜିଲାରେ ଚର୍ଚ୍ଚାର ବିଷୟ ହୋଇଛି।
ପ୍ରକାଶ ଯେ, ଗ୍ରାମର ମୁଚୁନୁ ଷଣ୍ଢ(୪୨) ଦୀର୍ଘଦିନରୁ ଯକୃତ ଜନିତ ରୋଗରେ ପୀଡ଼ିତ ଥାଇ ପଦ୍ମପୁର ଉପଖଣ୍ଡ ଡାକ୍ତରଖାନାରେ ଚିକିତ୍ସିତ ହୋଇଆସୁଥିଲେ। ଗୁରୁବାର ମୁଚୁନୁ ହଠାତ୍ ଅସୁସ୍ଥ ହୋଇ ପଡ଼ିଥିଲେ। ପରିବାର ଲୋକେ ତାଙ୍କୁ ଭିମସାର୍, ବୁର୍ଲା ଡାକ୍ତରଖାନାରେ ଭର୍ତ୍ତି କରିଥିଲେ ଏବଂ ସେଠାରେ ତାଙ୍କର ମୃତ୍ୟୁ ହୋଇଥିଲା। ବ୍ୟବଚ୍ଛେଦ ପରେ ପରିବାର ଲୋକେ ମୃତଦେହ ଧରି ଗ୍ରାମରେ ପହଞ୍ଚତ୍ଥିଲେ। ମାତ୍ର ଅନ୍ୟ ଜାତିର ଲୋକ ମୃତଦେହ ବ୍ୟବଚ୍ଛେଦ କରିବା ଭଳି କୁସଂସ୍କାରକୁ ବିଶ୍ୱାସ କରି କେହି ଆତ୍ମୀୟସ୍ବଜନ ସେଠାକୁ ଯାଇ ନ ଥିଲେ। ଅନ୍ୟପଟେ ରାସ୍ତା ଠିକ୍ ନ ଥିବାରୁ ଆମ୍ବୁଲାନ୍ସ ମଧ୍ୟ ଶ୍ମଶାନକୁ ପହଞ୍ଚତ୍ ପାରି ନ ଥିଲା। ଏଭଳି ସମୟରେ ଗ୍ରାମର ନେତାଜୀ ଯୁବକ ସଂଘ ସଭାପତି ସୁନୀଲ ବେହେରା ମାନବିକତାର ପରିଚୟ ଦେଇ ମୃତଦେହକୁ ନିଜ ବାଇକ୍ ଯୋଗେ ଶ୍ମଶାନକୁ ନେଇଥିଲେ। ଆମ୍ବୁଲାନ୍ସ ଡ୍ରାଇଭରଙ୍କ ସହଯୋଗରେ ସେ ସେଠାରେ ମୃତଦେହ ଦାହ କରିଥିଲେ। ଏଥିରେ ଗ୍ରାମର ଅନ୍ୟ କିଛି ସ୍ବେଚ୍ଛାସେବୀ ମଧ୍ୟ ସହଯୋଗ କରିଥିଲେ।
