ବେଙ୍ଗାଲୁରୁ,୨୬।୪: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା ବର୍ତ୍ତମାନର କୋଚ ରାହୁଲ ଦ୍ରାବିଡ ଶୁକ୍ରବାର ବେଙ୍ଗାଲୁରୁର ମତଦାନ କେନ୍ଦ୍ରରେ ପହଞ୍ଚି ଭୋଟ ଦେଇଛନ୍ତି। ଭୋଟ ଦେବାର ସୁଯୋଗ ପାଇବା ପୂର୍ବରୁ ରାହୁଲ ଦ୍ରାବିଡ ଜଣେ ସାଧାରଣ ଲୋକ ପରି ଧାଡିରେ ଠିଆ ହୋଇଥିଲେ। ଭୋଟ ଦେବା ପରେ ରାହୁଲ ଦ୍ରାବିଡ଼ ଗଣମାଧ୍ୟମ ସହ କଥା ହୋଇ କହିଛନ୍ତି, ସମସ୍ତେ ଭୋଟ ଦେବା ଉଚିତ୍। ଏହି ସୁଯୋଗ କେବଳ ଗଣତନ୍ତ୍ରରେ ଉପଲବ୍ଧ। ଦ୍ରାବିଡଙ୍କ ପୂର୍ବତନ ସାଥୀ ତଥା ମହାନ ଭାରତୀୟ ସ୍ପିନର ଅନିଲ କୁମ୍ବଲେ ମଧ୍ୟ ବେଙ୍ଗାଲୁରୁରେ ନିଜର ଭୋଟ ଅଧିକାର ବ୍ୟବହାର କରିଥିଲେ। ଲୋକ ସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ଶୁକ୍ରବାର କର୍ନାଟକର ୧୪ଟି ଆସନରେ ମତଦାନ ଅନୁଷ୍ଠିତ ହୋଇଯାଇଛି।
କର୍ନାଟକରେ ଦୁଇଟି ପର୍ଯ୍ୟାୟରେ ଭୋଟ ଦେବ। ଆଜି ୧୪ଟି ଆସନରେ ମତଦାନ ଚାଲିଛି, ଏଥିରେ ଉଡୁପି ଚିକମାଗାଲୁର, ହାସନ, ଡାକସିନା କନ୍ନଡ, ଚିତ୍ରାଦୁରଗା, ତୁମ୍କୁର, ମାଣ୍ଡିଆ, ମାଇସୋର, ଚାମରାଜାନଗର, ବେଙ୍ଗାଲୁରୁ ଗ୍ରାମୀଣ, ବେଙ୍ଗାଲୁରୁ ଉତ୍ତର, ବେଙ୍ଗାଲୁରୁ ସେଣ୍ଟ୍ରାଲ, ବେଙ୍ଗାଲୁରୁ ଦକ୍ଷିଣ, ଚିକବଲପୁର ଏବଂ କୋଲାର ଆସନ ଅନ୍ତର୍ଭୁକ୍ତ।