ଅଗରତାଲା,୧୬।୨ : ୬୦ ଆସନ ବିଶିଷ୍ଟ ତ୍ରିପୁରା ବିଧାନସଭା ନିର୍ବାଚନ ପାଇଁ ଗୁରୁବାର ମତଦାନ ଜାରି ରହିଛି। ୨୦ ଜଣ ମହିଳା ପ୍ରାର୍ଥୀଙ୍କ ସମେତ ମୋଟ ୨୫୯ ଜଣ ପ୍ରାର୍ଥୀ ନିର୍ବାଚନ ମଇଦାନ ଭାଗ୍ୟ ପରୀକ୍ଷା କରୁଛନ୍ତି। ସୁରକ୍ଷା ଦୃଷ୍ଟିରୁ ସମସ୍ତ ସ୍ଥାନରେ ଦୃଢ଼ ସୁରକ୍ଷା ବ୍ୟବସ୍ଥା କରାଯାଇଛି।
ବେରଡୋଓ୍ବଲିର ମହାରାଣୀ ତୁଳସୀବତୀ ଗର୍ଲସ ହାୟର ସେକେଣ୍ଡାରୀ ସ୍କୁଲର ବୁଥ ନଂ ୧୬ରେ ବିଧାନସଭା ନିର୍ବାଚନ ପାଇଁ ତ୍ରିପୁରା ମୁଖ୍ୟମନ୍ତ୍ରୀ ମାଣିକ ସାହା ମତଦାନ କରିଛନ୍ତି। ଭୋଟ ଦେବା ପରେ ସାହା ଜନସାଧାରଣଙ୍କ ଉଦ୍ଦେଣ୍ୟରେ କହିଛନ୍ତି ଯେ ଆପଣ ମଧ୍ୟ ବହୁ ସଂଖ୍ୟାରେ ଭୋଟ ଦିଅନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ରିପୁରାର ଲୋକଙ୍କୁ ରେକର୍ଡ ସଂଖ୍ୟାରେ ଭୋଟ ଦେବାକୁ ଏବଂ ଗଣତନ୍ତ୍ରକୁ ମଜବୁତ କରିବାକୁ ମୁଁ ଅନୁରୋଧ କରଛନ୍ତି। ସେ ଟୁଇଟ କରି କହିଛନ୍ତି ମୁଁ ଯୁବକମାନଙ୍କୁ ସେମାନଙ୍କର ମତଦାନ ଅଧିକାର ବ୍ୟବହାର କରିବାକୁ ଆହ୍ବାନ କରୁଛି।
