ଅହମ୍ମଦାବାଦ,୧।୧୨: ଗୁଜୁରାଟ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ମତଦାନ ଶେଷ ହୋଇଛି। ଗୁରୁବାର ଗୁଜୁରାଟ ବିଧାନସଭାର ମୋଟ ୧୮୨ଟି ଆସନ ମଧ୍ୟରୁ ପ୍ରଥମ ପର୍ଯ୍ୟାୟରେ ୮୯ଟି ଆସନ ପାଇଁ ଭୋଟ ଗ୍ରହଣ କରାଯାଇଥିଲା। ଏବେ ଏହାର ଅନ୍ତିମ ମତଦାନ ରିପୋର୍ଟ ସାମ୍ନାକୁ ଆସିଛି। ଗୁଜରାଟରେ ୬୦ପ୍ରତିଶତ ମତଦାନ ଗ୍ରହଣ କରାଯାଇଛି ବୋଲି ନିର୍ବାଚନ ଆୟୋଗ କହିଛନ୍ତି। ନର୍ମଦାରେ ସର୍ବାଧିକ ୭୩.୦୨ ପ୍ରତିଶତ ଏବଂ ପୋରବନ୍ଦରରେ ସର୍ବନିମ୍ନ ୫୩.୮୪ ପ୍ରତିଶତ ମତଦାନ ହୋଇଛି। ଗତ ଥର ୬୭ପ୍ରତିଶତ ମତଦାନ ହୋଇଥିବା ବେଳେ ଚଳିତ ବର୍ଷ ପ୍ରାୟ ୭ପ୍ରତିଶତ କମ୍ ରହିଛି।