କାଠମାଣ୍ଡୁ,୨୦ା୩: ସୋମବାର ସଂସଦ ଅଧିବେଶନ ଆରମ୍ଭ ହେବା ପରେ ଦିନ ୧ଟାରୁ ମତଦାନ ଆରମ୍ଭ ହେବ। ୨୭୫ ସଦସ୍ୟ ବିଶିଷ୍ଟ ଲୋକ ସଭାରେ ଆସ୍ଥା ଭୋଟ୍ ପାଇବା ପାଇଁ ୧୩୮ ସଦସ୍ୟଙ୍କ ସମର୍ଥନ ଆବଶ୍ୟକ। ମିଳିତ ମଞ୍ଚ ସହିତ ୧୫୧ ସଦସ୍ୟଙ୍କ ସଂଖ୍ୟାକୁ ବିଚାର କରି ନେପାଳ ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ପ୍ରଚଣ୍ଡଙ୍କ ବିଜୟ ସହଜ ମନେ ହୁଏ। ଜାନୁୟାରୀ ୧୦ରେ ଅନୁଷ୍ଠିତ ଶେଷ ଆସ୍ଥା ଭୋଟ୍ରେ ସେ ୨୬୮ ସଦସ୍ୟଙ୍କ ସମର୍ଥନ ପାଇଥିଲେ।
ସଂସଦ ଗୃହ ବାହାରେ ପ୍ରଚଣ୍ଡ କହିଛନ୍ତି, ସେ ଆଶା କରିଛନ୍ତି ଯେ, ସେ ଆଜିର ଆସ୍ଥା ଭୋଟ୍ ସହଜରେ ଜିତିବେ। ଗତ ଥର ଲୋକ ସଭାର ୯୯ ପ୍ରତିଶତ ସଦସ୍ୟ ମୋତେ ସମର୍ଥନ କରିଥିଲେ ଏବଂ ମୁଁ ଆଶା କରୁଛି ଏଥର ୧୦୦ ପ୍ରତିଶତ ସମର୍ଥନ ମିଳିବ।