କେନ୍ଦୁଝର, ୧୨।୭(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ଦେଇ ଯାଇଥିବା ଜଖପୁରା-ବାଂଶପାଣି ରେଳଧାରଣା ପାଲଟିଛି ହାତୀଙ୍କ ମରଣଯନ୍ତା। ଗତ ୨୦୧୨ରୁ ଅଦ୍ୟାବଧି ରେଳ ଦୁର୍ଘଟଣାରେ ୧୧ ହାତୀଙ୍କ ମୃତ୍ୟୁ ହୋଇଥିବା ବେଳେ ଏନେଇ ସ୍ଥାୟୀ ପ୍ରତିକାର ବ୍ୟବସ୍ଥା କରାଯାଉନାହିଁ। ରେଳ ଦୁର୍ଘଟଣା ରୋକିବା ପାଇଁ ବନ ବିଭାଗ ଓ ରେଲଓ୍ବେ ମଧ୍ୟରେ ନିୟମିତ ବୈଠକ ବସି ଏନେଇ ସତର୍କତାମୂଳକ ପଦକ୍ଷେପ ନେବାକୁ ନୀତି ପ୍ରସ୍ତୁତ ହେଉଛି, ହେଲେ ଦୁର୍ଘଟଣାରେ ହାତୀଙ୍କ ମୃତ୍ୟୁ ସଂଖ୍ୟା ବଢିଚାଲିଛି।
ପକ୍ଷରୁ ହାତୀମାନଙ୍କ ଚଳପ୍ରଚଳ ଓ ଗତିବିଧି ଉପରେ ନଜର ରଖିବା ପାଇଁ ହାତୀ ସ୍କ୍ବାଡ୍ ଗଠନ କରାଯିବା ସହ ଉକ୍ତ ସ୍କ୍ବାଡକୁ ତଦାରଖ କରିବାକୁ ରେଞ୍ଜ ଅଧିକାରୀଙ୍କଠାରୁ ଡିଏଫଓ ପର୍ଯ୍ୟନ୍ତ ରହିଛନ୍ତି ା ଦୈନିକ ହାତୀମାନଙ୍କ ଉପସ୍ଥିତି, ଯାତାୟାତ ସୂଚନା ସ୍ବତନ୍ତ୍ର ବ୍ୟବସ୍ଥାରେ ମେସେଜ ଦିଆଯାଇଥାଏ ା ଫଳରେ ବିଭିନ୍ନ ରେଞ୍ଜରେ କାମ କରୁଥିବା କର୍ମଚାରୀମାନେ ହାତୀର ଉପସ୍ଥିତି ଉପରେ ସୂଚନା ପାଇପାରୁଛନ୍ତି ା ଏହି ଅନୁଯାୟୀ ଗ୍ରାମ ମୁହାଁ ହେଲେ ଲୋକଙ୍କୁ ସଚେତନ କରାଯାଉଛି। ସେହିପରି ରେଳଲାଇନ ଆଡକୁ ଗଲେ ତୁରନ୍ତ ରେଳ ବିଭାଗକୁ ସୂଚନା ଦେଇଥାନ୍ତି ା ଫଳରେ ସେ ସମୟରେ ଯାତାୟାତ କରୁଥିବା ଟ୍ରେନ ଚାଳକମାନଙ୍କୁ ସୂଚନା ଦିଆଯାଇଥାଏ ା ଚାଳକମାନେ ତଦନୁଯାୟୀ ଟ୍ରେନର ବେଗ ନିୟନ୍ତ୍ରଣ କରିବା ସହ ନିୟମାନୁଯାୟୀ ହର୍ନ ଦେଇ ସତର୍କତାର ସହିତ ଯାତାୟାତ କରିଥାନ୍ତି ା
ବନବିଭାଗ ହାତୀ ଚଳପ୍ରଚଳ ଅଞ୍ଚଳ ଚିହ୍ନଟ କରିଛନ୍ତି। ଜଙ୍ଗଲାଞ୍ଚଳ ଦେଇ ରେଳପଥ ଯାଇଥିବାରୁ କେଉଁ କେଉଁ ସ୍ଥାନରେ ହାତୀମାନେ ରେଳପଥ ଅତିକ୍ରମ କରିଥାନ୍ତି, ସେସବୁ ସ୍ଥାନ ଚିହ୍ନଟ କରିବା ସହ ଅନେକ ସମୟରେ ହାତୀମାନଙ୍କୁ ସୁରକ୍ଷିତ ରେଳଲାଇନ ପାର କରାଇଥାନ୍ତି। ଅନେକ ସମୟରେ ଟ୍ରେନ ଚାଳକମାନେ ହାତୀପଲଙ୍କୁ ଦୂରରୁ ଦେଖି ଟ୍ରେନ ଠିଆ କରିଥାନ୍ତି ା ହାତୀପଲ ପାର ହେବା ପରେ ଯାଇଥାନ୍ତି ା
ଖାଦ୍ୟ ଅଭାବ ସାଙ୍ଗକୁ ବ୍ୟାପକ ଖଣିଖନନ, ରାସ୍ତା ଉପରେ ବେଆଇନ ପାର୍କିଂ, ବିକଟାଳ ହର୍ନ, ଉଜ୍ୱଳ ଆଲୋକ, ହାଇଓ୍ବେ ରାସ୍ତା, ରେଳଲାଇନ ଆଦି ଯୋଗୁ ହାତୀମାନେ ପଥଭ୍ରଷ୍ଟ ହୋଇ ବିଚଳିତ ହୋଇ ଏଣେତେଣେ ଧାଇଁଥାନ୍ତି। ଲୋକମାନେ ଗୋଟିଏ ଗ୍ରାମରୁ ଅନ୍ୟଗ୍ରାମକୁ ଘଉଡାଇବା ଦ୍ୱାରା ସେମାନେ ଅଧିକ ବିଚଳିତ ହୋଇପଡନ୍ତି। ଫଳରେ ହାତୀମାନଙ୍କୁ ସୁରକ୍ଷିତ ଆଶ୍ରୟସ୍ଥଳ ମିଳୁ ନ ଥିବାରୁ ଅଧିକ ବ୍ୟତିବ୍ୟସ୍ତ ହୋଇପଡନ୍ତି।
୍ଯ ମେ ୧୯ରେ ଯୋଡା ବ୍ଲକ ବାଂଶପାଣି ଅଞ୍ଚଳରେ ଟ୍ରେନ ଧକ୍କାରେ ଦୁଇ ମାଈ ହାତୀ ମିଶାଇ ୩ ହାତୀର ମୃତ୍ୟୁ ହୋଇଥିବା ବେଳେ ୨୦୧୮ ନଭେମ୍ବର ୨୨ରେ ସଦର ବ୍ଲକ ରାମଚନ୍ଦ୍ରପୁର ଗ୍ରାମ ନିକଟରେ ଗୋଟିଏ ମାଈହାତୀର ମୃତ୍ୟୁ ଘଟିଥିଲା। ୨୦୧୩ ମାର୍ଚ୍ଚ ୨୨ରେ ଘଟଗାଁ ବ୍ଲକ ନୀଳକଣ୍ଠେଇଶ୍ୱର ନିକଟରେ ରେଳ ଧକ୍କାରେ ଏକ ମାଈ ହାତୀର ମୃତ୍ୟୁ ଘଟିଥିବା ବେଳେ ୨୦୧୨ ଅଗଷ୍ଟ ୧୫ ତାରିଖରେ ଯୋଡା ବ୍ଲକ ବନ୍ଧୁବେଡା ଗ୍ରାମ ନିକଟରେ ମାଲବାହୀ ଟ୍ରେନ ଧକ୍କାରେ ୨ ମାଈ, ୧ ଛୁଆ ହାତୀ ମିଶାଇ ୪ ହାତୀ ମୃତ୍ୟୁବରଣ କରିଥିଲେ। ସେହିପରି ମଙ୍ଗଳବାର ଆନନ୍ଦପୁର ବନଖଣ୍ଡ ଦୈତାରୀ ରେଞ୍ଜ ବ୍ରାହ୍ମଣୀପାଳ ନିକଟରେ ଟ୍ରେନ ଧକ୍କାରେ ୨ ହାତୀଙ୍କ ମୃତ୍ୟୁ ହୋଇଛି। ଏ ସମ୍ପର୍କରେ କେନ୍ଦୁଝର ଏସିଏଫ୍ ଅଶୋକ ଦାସ କହିଛନ୍ତି, ହାତୀମାନଙ୍କ ସୁରକ୍ଷା ଲାଗି ସତର୍କତାମୂଳକ ପଦକ୍ଷେପ ନିଆଯାଉଛି, ଆଗକୁ ଦୁର୍ଘଟଣାଜନିତ ହାତୀ ମୃତ୍ୟୁକୁ ରୋକିବା ଲାଗି ପଦପକ୍ଷେପ ନିଆଯିବ।