ବ୍ରିସବେନ୍,୧୭।୧: ବ୍ରିସବେନରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ତଥା ଶେଷ ଟେଷ୍ଟ ମ୍ୟାଚର ଚତୁର୍ଥ ଦିନରେ ମହମ୍ମଦ ସିରାଜ ଚମତ୍କାର ବୋଲିଂ କରିଥିଲେ। ସିରାଜ ପ୍ରଥମେ ମାର୍ନୁସ ଲାବୁଶେନଙ୍କୁ ୨୫ ରନରେ ପାଭିଲିୟନରୁ ବିଦା କରିଥିବାବେଳେ ମାଥ୍ୟୁ ୱେଡଙ୍କ ଉଇକେଟ୍ ନେଇଥିଲେ। ଉଭୟ ବ୍ୟାଟ୍ସମ୍ୟାନ ଭାରତ ପାଇଁ ବିପଦ ଥିବାବେଳେ ସିରାଜ ଉଭୟଙ୍କୁ ନିଜ ଫାନ୍ଦରେ ପକାଇବାରେ ସଫଳ ହୋଇଥିଲେ। ସିରାଜଙ୍କ ବଲରେ ଶୂନରେ ଆଉଟ୍ ହେବାପରେ ୱେଡ ଦୁଇଟି ଲଜ୍ଜାଜନକ ରେକର୍ଡ ନିଜ ନାଁରେ କରିଛନ୍ତି। ପ୍ରଥମ ଅଷ୍ଟ୍ରେଲୀୟ ଖେଳାଳି ଭାବେ ୱେଡ ପାଇଁ, ଏହି ସିରିଜ ଏକ ଦୁଃସ୍ବପ୍ନ ଠାରୁ କମ ନୁହେଁ। ଏହି ସିରିଜରେ ତାଙ୍କ ବ୍ୟାଟ ଶାନ୍ତ ରହିଥିଲା। ୱେଡ ଏହି ସିରିଜରେ ଚାରୋଟି ଟେଷ୍ଟ ମ୍ୟାଚର ୮ ଇନିଂସରେ ହାରାହାରି ୨୧.୬୨ରନ ସଂଗ୍ରହ କରିଥିଲେ।ଏହି ସିରିଜରେ ତାଙ୍କର ସର୍ବଶ୍ରେଷ୍ଠ ଇନିଂସ ୪୫ ରନ ଥିଲା। ଏହି ସମୟ ମଧ୍ୟରେ ସେ ଅର୍ଦ୍ଧଶତକ ହାସଲ କରିପାରି ନ ଥିଲେ। ୱେଡ୍ଙ୍କ ପୂର୍ବରୁ ଅଷ୍ଟ୍ରେଲୀୟ ଖେଳାଳି ମାର୍କ ଟେଲରଙ୍କ ନାଁରେ ଏହି ରେକର୍ଡ ଥିଲା, ଯିଏ କି ଆଗଧାଡିର ୮ ବ୍ୟାଟ୍ସମ୍ୟାନଙ୍କ ମଧ୍ୟରେ ଥାଇ ମଧ୍ୟ ଅର୍ଦ୍ଧଶତକ ହାସଲ କରି ପାରି ନ ଥିଲେ। ୧୯୯୬ରେ ସେ ୱେଷ୍ଟଇଣ୍ଡିଜ ବିପକ୍ଷରେ ଅର୍ଦ୍ଧଶତକ ହାସଲ କରିପାରି ନ ଥିଲେ। ସେହି ସିରିଜରେ ତାଙ୍କର ଶ୍ରେଷ୍ଠ ସ୍କୋର ଥିଲା ୪୩ ରନ। ଏହାସହ ଚଳିତ ସିରିଜ୍ରେ ଓ୍ବେଡ୍ଙ୍କ ନାଁରେ ଆଉ ଏକ ରେକର୍ଡ ସାମିଲ ହୋଇଛି। ସେ ଗୋଟିଏ ସିରିଜ୍ରେ ୩୦ରୁ କମ୍ ହାରାହାରିରେ ରନ୍ କରିବାରେ ପ୍ରଥମ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ ହୋଇଛନ୍ତି।