ଝାରସୁଗୁଡ଼ା ଅଫିସ,୧୯।୮ ଝାରସୁଗୁଡ଼ା ଜିଲା ବ୍ରଜରାଜନଗର ଥାନା ଇପିଟି ଅଞ୍ଚଳରେ ଗତ ଗୁରୁବାର ରାତିରେ ଜଣେ ଯୁବକ ଏକ ବନ୍ଧୁକ ଧରି ଅବାଧରେ ସ୍କୁଟିରେ ବୁଲୁଥିବା ବେଳେ ପୋଲିସ ହାତରେ ଧରାପଡିଛନ୍ତି। ଧରାପଡିଥିବା ଯୁବକ ଜଣଙ୍କ ହେଲେ ରେମଜା ଗ୍ରାମ କୁଲତାପଡାର ମିତ୍ରଭାନୁ ସାହୁ(୨୯)। ପୋଲିସ ସମ୍ପୃକ୍ତ ଯୁବକଙ୍କୁ ଶୁକ୍ରବାର ଗିରଫକରି କୋର୍ଟ ଚାଲାଣ କରିଛି । ତାଙ୍କ ନିକଟରୁ ଏକ ଦେଶୀବନ୍ଧୁକ ଗୋଟିଏ ଜୀବନ୍ତ ଗୁଳି ଓ ବ୍ୟବହୃତ ଓଡି ୨୩ ଏଫ୍ ୩୯୨୭ ନଂ ସ୍କୁଟିକୁ ପୋଲିସ ଜବତ କରିଥିବା ଆଇଆଇସି ପ୍ରଦ୍ୟୁମ୍ନ କୁମାର ସ୍ବାଇଁ କହିଛନ୍ତି । ଏ ନେଇ ବ୍ରଜରାଜନଗର ଥାନା(କେଶ ନଂ ୨୪୯/୨୨)ରେ ଏକ ମାମଲା ରୁଜୁକରି ପୋଲିସ ଅଧିକ ତଦନ୍ତ ଚଳାଇଛି ।