ନୂଆଦିଲ୍ଲୀ: ଭାରତରେ ଉତ୍ପାଦନ ହେଉଥିବା ପ୍ରଡକ୍ଟ ରପ୍ତାନି ବଢାଇବା ନେଇ ଓ୍ବାଲମାର୍ଟ ଯୋଜନା ରଖିଛି। ଆଗାମୀ ୨୦୨୭ ସୁଦ୍ଧା ପ୍ରାୟ ୭୪ ହଜାର କୋଟି ଟଙ୍କାର ପ୍ରଡକ୍ଟକୁ ବିଶ୍ୱ ବଜାରରେ ବିକ୍ରି କରିବା ନେଇ ଯୋଜନା ରହିଥିବା ଓ୍ବାଲମାର୍ଟ କହିଛି। ଭାରତର ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ(ଏମ୍ଏସ୍ଏମ୍ଇ)ଗୁଡିକ ପ୍ରସ୍ତୁତ କରୁଥିବା ସାମଗ୍ରୀକୁ କମ୍ପାନୀ ଫୋକସ କରିବ ବୋଲି ଜଣାପଡିଛି। ଫ୍ଲିପକାର୍ଟ ସମର୍ଥ ଏବଂ ଓ୍ବାଲମାର୍ଟ ବ୍ରିଧି ସପ୍ଲାୟର ଡେଭଲପମେଣ୍ଟ କାର୍ଯ୍ୟକ୍ରମ ଦ୍ୱାରା ନୂଆ ଯୋଜନାକୁ ରୂପରେଖ ପ୍ରଦାନ କରାଯିବ ବୋଲି ଜଣାପଡିଛି। ଏହା ହେଲେ ଖାଦ୍ୟ ସାମଗ୍ରୀ, ଫାର୍ମାସିଟିକାଲ, ହେଲଥ, ଓ୍ବେଲନେସ, ଜେନେରାଲ ମର୍ଚ୍ଚାଣ୍ଡାଇଜ, ଆପାରେଲ, ହୋମଓ୍ବେର ଭଳି ଅନ୍ୟ ବର୍ଗରେ ମଧ୍ୟ ନୂଆ ସପ୍ଲାୟର କମ୍ପାନୀ ସହ ଯୋଡି ହେବେ। ଅନ୍ତର୍ଜାତୀୟ ସପ୍ଲାୟର ଭାବେ ଗ୍ରାହକଙ୍କୁ ଭାଲ୍ୟୁ ପ୍ରଡକ୍ଟ ଏବଂ ଅଂଶୀଦାରଙ୍କ ବିକାଶ ଲାଗି ବିଭିନ୍ନ ପଦକ୍ଷେପ ହାତକୁ ନିଆଯାଉଥିବା ଓ୍ବାଲମାର୍ଟ ଇଙ୍କର ସିଇଓ ଡି.ମ୍ୟାକମିଲାନ ଗୁରୁବାର ସୂଚନା ଦେଇଛନ୍ତି।