ଆପଣଙ୍କ ଫ୍ରେଣ୍ଡ୍ଲିଷ୍ଟରେ ଏମିତି କିଛି ଖାସ୍ ବନ୍ଧୁ ଥା’ନ୍ତି, ଯେଉଁମାନଙ୍କ ସହ ଆପଣ ସିକ୍ରେଟ୍ ଚାଟ୍ କରିଥାନ୍ତି। ଆଉ ଏହି ଚାଟ୍ ଯେମିତି କେହି ନ ପଢ଼ନ୍ତୁ ଆପଣ ନିଶ୍ଚିତ ଚାହୁଁଥିବେ। ଏଥିପାଇଁ କିଛି ଟିପ୍ସ ରହିଛି। ଯାହା ସାହାଯ୍ୟରେ ଆପଣ ଅନ୍ୟମାନଙ୍କ ଆଗରେ ଆପଣଙ୍କର ଚାଟ୍ ଲୁଚାଇବାରେ ସମର୍ଥ ହେବେ । ଖାଲି ଏତିକି ନୁହେଁ, ଆପଣ ଯେତେବେଳେ ଚାହିଁବେ ଏହି ଚାଟ୍କୁ ପୁନର୍ବାର ଫେରାଇ ମଧ୍ୟ ଆଣିପାରିବେ।
ଏହି ଫିଚର ସାହାଯ୍ୟରେ ଲୁଚାନ୍ତୁ ଚାଟ୍:
ଅଧିକାଂଶ ହ୍ବାଟ୍ସଆପ୍ ବ୍ୟବହାରକାରୀ ଅଛନ୍ତି, ଯେଉଁମାନେ ହ୍ବାଟ୍ସଆପ୍ର ଏହି ଫିଚର ବିଷୟରେ ଜାଣି ନ ଥାନ୍ତି। ହ୍ବାଟ୍ସଆପର ଆର୍ଚିଭ୍ ଫିଚର ସାହାଯ୍ୟରେ ଆପଣ ସିକ୍ରେଟ୍ ଚାଟ୍ ଲୁଚାଇ ପାରିବେ। ଏହା ସାହାଯ୍ୟରେ ଆପଣ ଉଭୟ ସିଙ୍ଗଲ ଚାଟ୍ କିମ୍ବା ଗ୍ରୁପ ଚାଟ୍ ମଧ୍ୟ ପୁନର୍ବାର ଦେଖିପାରିବେ।
କେମିତି ଲୁଚାଇବେ ଚାଟ୍:
– ସିକ୍ରେଟ୍ ଚାଟ୍ ଲୁଚାଇବା ପାଇଁ ହ୍ବାଟ୍ସଆପ୍ ଖୋଲନ୍ତୁ।
-ବର୍ତ୍ତମାନ ଆପଣ ଲୁଚାଇବାକୁ ଚାହୁଁଥିବା ଚାଟ୍ ଦୀର୍ଘ ସମୟ ଦବାନ୍ତୁ।
– ଦୀର୍ଘ ସମୟ ଦବାଇବା ପରେ, ଆପଣ ଉପର ଆର୍ଚିଭ୍ ଅପ୍ସନ୍ ଦେଖିପାରିବେ।
– ବର୍ତ୍ତମାନ ଆପଣଙ୍କୁ ଆର୍ଚିଭର ଅପ୍ସନ ସିଲେକ୍ଟ କରିବାକୁ ପଡ଼ିବ।
– ଏହା ପରେ ଆପଣଙ୍କ ଚାଟ୍ ଲୁଚିଯିବ।
କିପରି ଫେରାଇବେ ଏହି ଚାଟ୍ ଜାଣନ୍ତୁ:
– ଚାଟ ଫେରାଇବାକୁ ହ୍ବାଟ୍ସଆପ୍ ଖୋଲନ୍ତୁ ।
– ତା’ପରେ ଚାଟ୍ ସ୍କ୍ରିନର ତଳ ଭାଗକୁ ସ୍କ୍ରଲ କରନ୍ତୁ।
– ତଳେ ଆପଣ ଆର୍ଚିଭ୍ର ଅପ୍ସନ ଦେଖିବେ, ଏଥିରେ ଟ୍ୟାପ୍ କରନ୍ତୁ।
– ଆର୍ଚିଭ୍ ଉପରେ କିଛି ସମୟ ଅଙ୍ଗୁଳି ଦବାନ୍ତୁ। ଏଥର ଆଇକନ ଉପରେ ଟ୍ୟାପ୍ କରନ୍ତୁ।
ଏହି ଉପାୟରେ ଆପଣ ଲୁଚି ଯାଇଥିବା ଚାଟ୍କୁ ପୁନର୍ବାର ଫେରାଇ ଆଣିପାରିବେ।
