ଦୁବାଇ, ୨୧।୯: ଆଇପିଏଲ୍-୧୩ର ଏକ ମ୍ୟାଚ୍ରେ ସୋମବାର ସନ୍ରାଇଜର୍ସ ହାଇଦ୍ରାବାଦ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ। ସ୍ଥାନୀୟ ଦୁବାଇ ଇଣ୍ଟରନ୍ୟାଶନାଲ କ୍ରିକେଟ୍ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ। ଏହି ମ୍ୟାଚ୍ରେ ହାଇଦ୍ରାବାଦର ଡେଭିଡ୍ ଓ୍ବାର୍ନର ଅଧିନାୟକ ଭାବେ ଶ୍ରୀଲଙ୍କାର କୁମାର ସାଙ୍ଗାକରାଙ୍କୁ ପଛରେ ପକାଇବେ। ଓ୍ବାର୍ନର ଯେତେବେଳେ ଟସ୍ ପକାଇବାକୁ ପଡ଼ିଆକୁ ଓହ୍ଲାଇବେ ଅଧିନାୟକ ଭାବେ ଆଇପିଏଲ୍ରେ ଏହା ତାଙ୍କର ୪୮ତମ ମ୍ୟାଚ୍ ହେବ। ଏହିକ୍ରମରେ ସେ ସାଙ୍ଗାକରା (୪୭ ମ୍ୟାଚ୍)ଙ୍କୁ ପଛରେ ପକାଇବେ। ବିଦେଶୀ ଖେଳାଳି ଭାବେ ଆଇପିଏଲ୍ରେ ସର୍ବାଧିକ ମ୍ୟାଚ୍ ନେତୃତ୍ୱ ନେବାର ରେକର୍ଡ ଆଦାମ ଗିଲଖ୍ରୀଷ୍ଟଙ୍କ ନାମରେ ରହିଛି। ଗୀଲଖ୍ରୀଷ୍ଟ ଆଇପିଏଲ୍ରେ ୭୧ ମ୍ୟାଚ୍ରେ ନେତୃତ୍ୱ ନେଇ ଏହି ରେକର୍ଡର ଅଧିକାରୀ ରହିଛନ୍ତି। ତାଙ୍କ ପଛକୁ ଏହି ତାଲିକାର ୨ୟ ସ୍ଥାନରେ ଶେନ୍ ଓ୍ବର୍ନ (୫୫ ମ୍ୟାଚ୍) ରହିଛନ୍ତି। ଓ୍ବାର୍ନର ଏବେ ଏହି ତାଲିକାର ୩ୟ ସ୍ଥାନରେ ରହିବେ।
