ବାରିପଦା ଅଫିସ,୨୬ା୧୧: ମୟୂରଭଞ୍ଜ ଜିଲା ବାଙ୍ଗିରିପୋଷି ଥାନା ଅନ୍ତର୍ଗତ ନିଶ୍ଚିନ୍ତା ପଞ୍ଚାୟତ ଭୋଳାଗଡ଼ିଆ ଗାଁ ପାଖ ଗୋଟିଏ ଖାଲ ଭିତରୁ ଶୁକ୍ରବାର ସକାଳୁ ଏକ ମୃତଦେହକୁ ପୋଲିସ ଜବତ କରିଛି। ମୃତ ବ୍ୟକ୍ତି ଜଣକ ବ୍ରାହ୍ମଣ ଗାଁର ଭିଏଡବ୍ଲ୍ୟୁ ଅର୍ଥାତ୍ ଗ୍ରାମ୍ୟ କୃଷି କର୍ମଚାରୀ ସଂଗ୍ରାମ ବାସ୍କେ। ତାଙ୍କ ଘର ବିଶୋଇ ଥାନା ଅନ୍ତର୍ଗତ ହାତିଗଡ଼ିଆ ଅଞ୍ଚଳରେ।
ସେ ଗୁରୁବାର ରାତିରେ ନିଜ ବାଇକ୍ ଯୋଗେ ଅଫିସରୁ ଫେରୁଥିବା ବେଳେ ଘରକୁ ଫେରି ନ ଥିଲେ। ଆଜି ତାଙ୍କ ବାଇକ୍ ସହ ସେ ରାସ୍ତା କଡ଼ରେ ପଡ଼ିଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ। ପାରିପାଶର୍ବିକ ପରିସ୍ଥିତିକୁ ଦେଖିଲେ ଏହା ଦୁର୍ଘଟଣା ଜନିତ ମୃତ୍ୟୁ ହୋଇ ଥାଇପାରେ ବୋଲି ଅନୁମାନ କରାଯାଉଛି। ତେବେ ଘଟଣାସ୍ଥଳରେ ଶତାଧିକ ଲୋକ ଭିଡ଼ ଜମାଇଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି।