ଲର୍ଡସ,୧୨।୮: ଭାରତ-ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ମୁକାବିଲା ଲର୍ଡସ କ୍ରିକେଣ୍ଡ ଗ୍ରାଉଣ୍ଡରେ ଖେଳାଯାଉଛି। ଏହି ମ୍ୟାଚ୍ରୁ ଭାରତୀୟ ଅଲରାଉଣ୍ଡର ଶାର୍ଦ୍ଦୁଳ ଠାକୁରକୁ ବାହାର କରିଦିଆଯାଇଛି। ଏହାକୁ ନେଇ ମଜା ଉଡାଇଛନ୍ତି ପୂର୍ବ ଅଭିଜ୍ଞ ବ୍ୟାଟ୍ସମ୍ୟାନ୍ ଓ୍ବାସିମ୍ ଜାଫର।
ଟୁଇଟ୍ କରି ଜାଫର ଲେଖିଛନ୍ତି ‘ଯଦି ଶାର୍ଦ୍ଦୁଳ ଠାକୁର ଲର୍ଡସ ଟେଷ୍ଟ ଖେଳିପାରୁନାହାନ୍ତି ତେବେ ଏହା ଦୁଃଖଦ। କାରଣ ସବୁବେଳେ କ୍ରିକେଟରମାନଙ୍କୁ ତାଙ୍କ ନାଁରେ ଥିବା କ୍ରିକେଟ ଷ୍ଟାଡିୟମରେ ଖେଳିବାର ସୁଯୋଗ ମିଳି ନ ଥାଏ।’ ତେବେ ଜାଫରଙ୍କ ଏଭଳି କଥା ପଛରେ କାରଣ ରହିଛି। ସୋସିଆଲ ମିଡିଆରେ ଶାର୍ଦ୍ଦୁଳ ଠାକୁରଙ୍କୁ ଲର୍ଡ ଶାର୍ଦ୍ଦୁଳ ବୋଲି ଲୋକେ ଡାକିଥାନ୍ତି।
It’s sad if Shardul Thakur misses the Lord’s Test. Afterall not often cricketers get to play in a stadium named after them😉😅 #ENGvIND
— Wasim Jaffer (@WasimJaffer14) August 11, 2021
ଜାଫରଙ୍କ ଏହି ଟୁଇଟ୍ ବେଶ ଭାଇରାଲ ହେଉଥିବା ବେଳେ ଲୋକେ ମଜାଦାର ପ୍ରତିକ୍ରିୟା ଦେଉଛନ୍ତି।
