କାନପୁର,୧୪।୧: କୋଭିଡ୍ କାରଣରୁ ନିର୍ବାଚନ ଆୟୋଗ (ଇସି) ରାଲି ଉପରେ ପ୍ରତିବନ୍ଧକ ଲଗାଇଥିବାରୁ ପ୍ରାର୍ଥୀମାନେ ଘରରୁ ଘର ବୁଲି ପ୍ରଚାର କରୁଛନ୍ତି। କାନପୁରରୁ ଭାଇରାଲ ହୋଇଥିବା ଏକ ଭିଡିଓରେ ଜଣେ ଭାଜପା ନେତା ଭୋଟରଙ୍କ ଗାଧୋଇବାରେ ବାଧକ ସାଜୁଥିବା ଦେଖିବାକୁ ମିଳୁଛି।
କାନପୁର ଭାଜପା ବିଧାୟକ ସୁରେନ୍ଦ୍ର ମଇଥାନି ଭୋଟରଙ୍କ ସହ ଆଲୋଚନାର କିଛି ଫଟୋ ଶେୟାର କରିଛନ୍ତି। ଫଟୋରେ ସୁରେନ୍ଦ୍ର ତାଙ୍କ ନିର୍ବାଚନ ମଣ୍ଡଳୀରେ ପ୍ରଚାର କରୁଥିବା ବେଳେ ଲୋକେ ତାଙ୍କ ମୁଣ୍ଡରେ ଚନ୍ଦନ ଲଗାଉଥିବା ଦେଖିବାକୁ ମିଳିଛି। କିନ୍ତୁ ଭାଇରାଲ ଭିଡିଓରେ ଜଣେ ବ୍ୟକ୍ତି ଗାଧାଉଥିବା ବେଳେ ତାଙ୍କ ଘରେ ପଶି ଅନେକ ପ୍ରଶ୍ନ କରିଥିଲେ ଭାଜପା ବିଧାୟକ।
“ସବୁ କିଛି ଠିକ୍ ଅଛି ତ? ତୁମ ଘର ନିର୍ମାଣ କରାଯାଇଛି। ତୁମ ପାଖରେ ରାଶନ କାର୍ଡ ଅଛି କି ?” ବୋଲି ବିଧାୟକ ପଚାରିଥିଲେ। ଉତ୍ତରରେ ବ୍ୟକ୍ତି କହିଥିଲେ ହଁ, ସବୁ ଅଛି।