ନୂଆଦିଲ୍ଲୀ,୫।୮: ଅଲିମ୍ପିକ୍ସରେ ଇତିହାସ ରଚିଛି ଭାରତର ପୁରୁଷ ହକି ଦଳ। ଗୁରୁବାର ଖେଳାଯାଇଥିବା ରୋମାଞ୍ଚକର ମ୍ୟାଚ୍ରେ ଜର୍ମାନୀକୁ ୫-୪ରେ ପରାସ୍ତ କରି ବ୍ରୋଞ୍ଚ ପଦକ ହାସଲ କରିଛି ଦଳ। ଏକ ସମୟରେ ଭାରତୀୟ ଦଳ ଜର୍ମାନୀ ବିପକ୍ଷରେ ୧-୩ରେ ପଛୁଆ ଥିଲା। ହେଲେ ପରେ ଭାରତର ପ୍ରତ୍ୟାବର୍ତ୍ତନ ସମସ୍ତଙ୍କୁ ଚକିତ କରିଥିଲା। ଟିମ୍ ଇଣ୍ଡିଆ ସାତ ମିନିଟ୍ରେ ୪ ଗୋଲ୍ କରି ମ୍ୟାଚ୍କୁ ନିଜ ହାତକୁ ନେଇଥିଲା ଦଳ। ବିଶେଷକରି ଶେଷ ୬ ସେକେଣ୍ଡରେ ଗୋଲକିପର ପିଆର୍ ଶ୍ରୀଜେଶ ଜର୍ମାନୀର ପେନାଲ୍ଟିକୁ ରୋବିବାରେ ସଫଳ ହୋଇଥିଲେ। ଏହାପରେ ସମସ୍ତେ ଖୁସିରେ ନାଚିବାକୁ ଲାଗିଥିଲେ।
ETCHED INTO THE HISTORY ! 🥉
Relive #TeamIndia ‘s CHAK DE moment when our Boys in Blue turned the match in their favour ✌️👏#Tokyo2020 #hockey #UnitedByEmotion
(Courtesy: @Tokyo2020hi ) pic.twitter.com/2BxSRwB1o0— DD News (@DDNewslive) August 5, 2021
ଖେଳ ଆରମ୍ଭର ଦ୍ୱିତୀୟ ମିନିଟ୍ରେ ଫିଲ୍ଡ ଗୋଲ କରିଥିଲା ଜର୍ମାନୀ। ଏହାପରେ ଦ୍ୱିତୀୟ କ୍ୱାର୍ଟରରେ ଭାରତର ସିମରନ୍ଜିତ ସିଂହ ମଧ୍ୟ ଫିଲ୍ଡ ଗୋଲ୍ କରି ସ୍କୋରକୁ ବରାବର କରିଥିଲେ। ହେଲେ ଜର୍ମାନୀ ଗୋଟିଏ ମିନିଟ ଭିତରେ ଆଉ ୨ ଗୋଲ କରି ମୁକାବିଲାରେ ୩ ଗୋଲରେ ଅଗ୍ରଣୀ ହୋଇଥିଲା। ଭାରତ କିନ୍ତୁ ହାର ମାନି ନ ଥିଲା।
ମ୍ୟାଚ୍ର ୨୭ ମିନିଟ୍ରେ ହାର୍ଦ୍ଦିକ ସିଂହ ପେନାଲ୍ଟି କର୍ଣ୍ଣରରୁ ଗୋଲ ସ୍କୋର କରିଥିବା ବେଳେ ୨୯ ମିନିଟ୍ରେ ହରମନ୍ପ୍ରିତ ମଧ୍ୟ ଅନ୍ୟ ଏକ ସମାନ ଗୋଲ୍ କରିଥିଲେ। ଭାରତ ପେନାଲ୍ଟିର ସୁଯୋଗକୁ ହାତ ଛଡ଼ା କରି ନ ଥିବା ବେଳେ ଜର୍ମାନୀ କିନ୍ତୁ ମିଳିଥିବା ସମସ୍ତ ସୁଯୋଗରେ ବିଫଳ ହୋଇଥିଲେ। ଏହାପଛରେ ଥିଲେ ଗୋଲକିପର୍ ଶ୍ରୀଜେଶ। ପରେ ଭାରତ ଆଉ ଦୁଇ ଗୋଲ୍ କରି ସ୍କୋରକୁ ୫-୩ ସ୍ଥିତିକୁ ନେଇଥିଲା।
ଶେଷ ମୁହୂର୍ତ୍ତରେ ଜର୍ମାନ ଟିମ୍ ଗୋଲ୍ କରିବାକୁ ବହୁତ ଚେଷ୍ଟା କରିଥିଲା। କାରଣ ସେ ୪ ପେନାଲ୍ଟି କର୍ଣ୍ଣର ପାଇଥିଲା। ମାତ୍ର ଅମିତ ରୋହିଦାସ ବିରୋଧି ଦଳକୁ ସଫଳତା ହାସଲ କରିବାକୁ ଦେଇ ନ ଥିଲେ। ମ୍ୟାଚ୍ର ଶେଷ ୬ ସେକେଣ୍ଡରେ ଜର୍ମାନୀ ପୁନର୍ବାର ଆଉ ଏକ ପେନାଲ୍ଟି କର୍ଣ୍ଣର ପାଇଥିଲା। ହେଲେ ଗୋଲ୍ ହୋଇପାରି ନ ଥିଲା। ସ୍କୋରକୁ ବରାବର ସ୍ଥିତିକୁ ଆଣିବାକୁ ଦଳ ପକ୍ଷରୁ ଶେଷ ପାଞ୍ଚ ମିନିଟ୍ରେ ଗୋଲ୍କିପରଙ୍କୁ ହଟାଯାଇଥିଲେ ମଧ୍ୟ ସେମାନେ ସଫଳ ହୋଇପାରି ନ ଥିଲେ।
