ଭାରତର ଲୋକମାନେ ଚାଇନିଜ୍ ଖାଦ୍ୟ ଖାଇବାକୁ ବହୁତ ପସନ୍ଦ କରନ୍ତି। ଯେଉଁଥିରେ ନୁଡୁଲ୍ସ ସବୁଠାରୁ ପ୍ରିୟ। ଯାହାକୁ ଲୋକମାନେ ପ୍ରତ୍ୟେକ ପରିସ୍ଥିତିରେ ଖାଇବାକୁ ଚାହାନ୍ତି। ସେଥିପାଇଁ ପ୍ରତ୍ୟେକ ଫାଷ୍ଟଫୁଡ୍ ଷ୍ଟଲରେ ଲୋକଙ୍କର ଭିଡ଼ ଦେଖିବାକୁ ମିଳେ। କିନ୍ତୁ ଯେଉଁ ନୁଡୁଲ୍ସକୁ ଆପଣମାନେ ଅତି ଉତ୍ସାହର ସହିତ ଖାଆନ୍ତି, ସେଗୁଡ଼ିକ କେବେ କେମିତି ତିଆରି ହୁଏ ଦେଖିଛନ୍ତି କି? ଆପଣ କେବେ କାରଖାନାର ସମ୍ପୂର୍ଣ୍ଣ ପ୍ରକ୍ରିୟା ବିଷୟରେ ଚିନ୍ତା କରିଛନ୍ତି, ଯେଉଁଠାରେ ନୁଡୁଲ୍ସ ତିଆରି ହୁଏ? ଯଦି ନୁହେଁ, ତେବେ ଭାଇରାଲ ଭିଡିଓରେ ଦେଖିବାର ସୁଯୋଗ ପାଇବେ। ଏହା ଦେଖିବା ପରେ ନୁଡୁଲ୍ସ ଖାଇବା ଛାଡ଼ିଦେବେ।
@chiragbarjatyaa ନାମକ ଏକ ଟୁଇଟର ପେଜ୍ରେ ନୁଡୁଲ୍ସ କାରଖାନାର ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଆପଣ ନୁଡୁଲ୍ସ ପ୍ରସ୍ତୁତିର ସମ୍ପୂର୍ଣ୍ଣ ପ୍ରକ୍ରିୟା ଦେଖିବା ପରେ ଏହାକୁ ଖାଇବା ପୂର୍ବରୁ ଶହେ ଥର ଚିନ୍ତା କରିବାକୁ ବାଧ୍ୟ ହେବେ। ବେଳେବେଳେ ଭୂମିରେ ଫିଙ୍ଗି ଦିଆଯାଉଥିବା ଏବଂ ବେଳେବେଳେ ମଇଳା ହାତରେ ସ୍ପର୍ଶ କରାଯାଉଛି।
ନୁଡୁଲ୍ସ ପ୍ରସ୍ତୁତି କରିବାର ତରିକା ଦେଖିଲେ ଘୃଣ୍ୟ ମନେହୁଏ। ଯେଉଁଠାରେ ମଇଦା ଭୂମିରେ ବେଲିବା ଏବଂ ପରେ ଏହାକୁ ମେଶିନରେ ଢାଳିବା ଦେଖାଯାଏ। ତା’ପରେ ଗୋଟିଏ ମେଶିନରୁ କାଗଜ ପରି ମଇଦାକୁ ଚଉଡ଼ା କରାଯାଉଛି। ପରବର୍ତ୍ତୀ ମେଶିନରେ ଏହାକୁ ପତଳା ଖଣ୍ଡରେ କଟାଯାଏ। ତା’ପରେ ଏହାକୁ ଏକ ମେଶିନରେ ରଖି ରନ୍ଧାଯାଉଛି। ଯେଉଁମାନେ ଏହି ସମସ୍ତ ପ୍ରକ୍ରିୟାରେ ନିୟୋଜିତ ଅଛନ୍ତି, ସେମାନେ ନୁଡୁଲ୍ସ ତିଆରି କରୁଛନ୍ତି ଏବଂ ସ୍ବଚ୍ଛତା ଏବଂ ପରିଷ୍କାର ପରିଚ୍ଛନ୍ନତା ନ କରି ସେଗୁଡ଼ିକୂ ଭୂମିରେ ରଖୁଛନ୍ତି।
ନୁଡୁଲ୍ସ କାରଖାନାରେ ତିଆରି କରିବାର ପ୍ରକ୍ରିୟା ଦେଖିଲେ ନିଶ୍ଚିତ ଭାବରେ ଆପଣଙ୍କୁ ବାନ୍ତି ଲାଗିବ। ପରବର୍ତ୍ତୀ ସମୟରେ ନୁଡୁଲ୍ସ ଖାଇଲେ, ଭିଡିଓଟି ନିଶ୍ଚିତ ଆଖି ଆଗରେ ନାଚି ଉଠିବ। ଭିଡିଓ ଦେଖିବା ପରେ ୟୁଜରମାନେ କହିଛନ୍ତି, ଷ୍ଟ୍ରିଟ୍ଫୁଡ୍ ଖାଇବା ଠାରୁ ଦୂରେଇ ରହିବା ଉଚିତ୍। ଲୋକମାନେ ଏହା ମଧ୍ୟ କହିଛନ୍ତି, ରାସ୍ତା ପାର୍ଶ୍ୱରେ ତିଆରି ନୁଡୁଲ୍ସ ଏହିପରି ଅପରିଷ୍କାର ଅଟେ। ଅନେକ ୟୁଜର କହିଛନ୍ତି, ରାସ୍ତାକଡ଼ ରୋଷେଇ ଘର ଖୋଲା ଅଛି, ଏହାକୁ ଭଲ ଭାବରେ ଦେଖିପାରୁଛନ୍ତି। କିନ୍ତୁ ବଡ଼ ହୋଟେଲ ଏବଂ ରେଷ୍ଟୁରାଣ୍ଟର ରୋଷେଇ ଘର କେବେବି ଦେଖିପାରିବେ ନାହିଁ। ତେଣୁ ଆପଣ ସେଠାରେ ପରିଷ୍କାର ପରିଚ୍ଛନ୍ନତା ଦାବି ବି କରିପାରିବେ ନାହିଁ।