ମୁମ୍ବାଇ,୧୬ ।୧୧: ୟୁଏଇରେ ଆଇସିସି ଟି-୨୦ ବିଶ୍ୱକପରେ ଭାରତର ନୈରାଶ୍ୟଜନକ ପ୍ରଦର୍ଶନ ପରେ ଟିମ୍ ଏବେ ସ୍ୱଦେଶ ପ୍ରତ୍ୟାବର୍ତ୍ତନ କରିଛି । ଟିମର ସଦସ୍ୟ ଭାରତ ଫେରିବା ସମୟରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଅଡୁଆ ବଢି ଯାଇଛି । ମୁମ୍ବାଇ ବିମାନ ବନ୍ଦରରେ ପହଞ୍ଚିବା ପରେ ହାର୍ଦ୍ଦିକଙ୍କୁ କଷ୍ଟମ ବିଭାଗ ଯାଞ୍ଚ କରିଥିଲା । ଏହି ସମୟରେ ତାଙ୍କ ନିକଟରୁ ୫ କୋଟି ଟଙ୍କାର ଦୁଇଟି ଘଣ୍ଟା ମିଳିଥିଲା । ଯେତେବେଳେ ତାଙ୍କୁ ଏହି ଘଣ୍ଟା ସମ୍ପର୍କରେ ପଚରାଯାଇଥିଲା ସେତେବେଳେଳ ତାଙ୍କ ନିକଟରେ ନା ଏହାର କୌଣସି ବିଲ୍ ଥିଲା ନା ଏହାକୁ ନେଇ ସେ କୌଣସି ସନ୍ତୋଷଜନକ ଉତ୍ତର ଦେଇଥିଲେ । ଫଳରେ କଷ୍ଟମ ବିଭାଗ ଘଣ୍ଟା ଦୁଇଟିକୁ ଜବତ କରିବା ସହ ଏହାର ଯାଞ୍ଚ ଆରମ୍ଭ କରିଛି । ମହଙ୍ଗା ଘଣ୍ଟା ରଖିବାରେ ହାର୍ଦ୍ଦିକଙ୍କ ସୌକ ଥିବା କୁହାଯାଉଛି । ସୂଚନାଯୋଗ୍ୟ, ଏହା ପୂର୍ବରୁ ନଭେମ୍ବର ୨୦୨୦ରେ ହାର୍ଦ୍ଦିକଙ୍କ ବଡ ଭାଇ କୃଣାଳ ପାଣ୍ଡ୍ୟାଙ୍କ ନିକଟରୁ ଲକ୍ଜରି ଗାଡି ଜବତ କରାଯାଇଥିଲା । ଏହାକୁ ଡାଇରେକ୍ଟରେଟ ଅଫ୍ ରେଭିନ୍ୟୁ ଇଣ୍ଟଲିଜେନ୍ସ(ଡିଆର୍ଆଇ) ଅଧିକାରୀ ଅଟକାଇ ଦେଇଥିଲେ । ପରେ ଏହି ମାମଲାକୁ କଷ୍ଟମ ବିଭାଗକୁ ଦିଆଯାଇଥିଲା ।
